|
يحسين رحت ميسره
يحسين يحسين يحسين رحت ميسره يحسين يحسين يحسين رحت ميسره ........................................... آنه زينب بت علي وبت الرسول آنه امي فاطمه الزهره البتول من مصابي اتحيرت كل العقول كظيت كظيت كظيت عمري مخدره يحسين يحسين يحسين رحت ميسره .......................................... وهذا ابو السجاد مكطوع الوتين والكفيل بلا يسار ولا يمين وزينب من الخوف تصرخ يا حسين ظليت ظليت ظليت وحدي محيره يحسين يحسين يحسين رحت ميسره ........................................ علجثث يحسين مرينه ونشوف ريت عيني اتعمه ولا شفت الطفوف مسلب موذر يخويه بالسيوف واشلون واشلون واشلون كطعوا منحره يحسين يحسين يحسين رحت ميسره .................................................. .... ومن شفت عباس طايح علنهر بالحزن ناديت والمدمع جمر يا كمر جاليش غايب يا كمر عباس عباس عباس جثته موذره يحسين يحسين يحسين رحت ميسره .................................................. ......... والعليل البسناسل كيدوه وباليسر يحسين ابنك عذبوه وبعد يبن امي ابونا شتموه والنار والنار والنار بيــّه موجره يحسين يحسين يحسين رحت ميسره ........................................ يا حسين وريتك اتشوف الرباب تصرخ بلوعه وحزن والكلب ذاب اتصيح عبدالله يغالي شهلمصاب مذبوح مذبوح مذبوح يفجع منظره يحسين يحسين يحسين رحت ميسره ................................................ اجت رمله اشلون محنــّيه الظهر تصيح بفراكك اموت من القهر من عكب عينك يمحــّـني الدهر جاوين جاوين جاوين سبع الكنطره يحسين يحسين يحسين رحت ميسره .............................................. هاي ليله تنادي بدموع وحزن ليش يالاكبر على امك ما تحن تدري بمصابك طحن كلبي طحن واشلون واشلون واشلون اصبر علجره يحسين يحسين يحسين رحت ميسره .................................................. ....................... خادم الامام الحسين عليه افضل الصلاة والسلام سيد عقيل العوادي |
من اجمل و احزن ما قرأت
وفقك الله يا سيدنا الجليل قصيدة تستحق كل الاعجاب و قد اعادتني الى عاشوراء الفداء بكل عنفوان الدموع |
السلام عليكم الغالي والعزيز سيد عقيل العوادي اسأل الله ان يوفقك على هذه القصيده شرف كبير وجودك بيننا والله لايحرمنا منك ابد رياض الرسل |
علجثث يحسين مرينه ونشوف ريت عيني اتعمه ولا شفت الطفوف مسلب موذر يخويه بالسيوف واشلون واشلون واشلون كطعوا منحره يحسين يحسين يحسين رحت ميسر السيدالعوادي عقيل المبدع ما اروع هذا النزف الحسيني على لسان عقيلة بني هاشم تشفع لك زينب عليها السلام كتبها الله لك في الجنان بحروف من نور تسلم يمينك |
الاستاذ ابو تكتم
ادامك الله ياعزيزي يشرفني ان تنطلع على قصائدي شكرن الك |
حبي واحترامي
الى السيد رياض الرسل جعلنا الله واياكم على حب الامام الحسين عليه السلام |
الى الاخ الياسري
انته نجم في سماء الحريه ونصركم الله على اعداكم |
سيد عقيل العوادي .... هنيئا ً لك وانت تكتب بماء قلبك لتروي عطاشى كربلاء وفقك الله خادما ً لسيد الشهداء عليه افضل الصلاة والسلام .......... مودتي ...... |
| الشبكة: أحد مواقع المجموعة الشيعية للإعلام الساعة الآن: 03:18 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025