منتديات أنا شيعـي العالمية - لا تتظاهر... لاتتظاهر

بسم الله الرحمن الرحيم

اللهم صل على محمد وآل محمد

نستمر بعزائنا لكاظم الغيظ راهب بني هاشم عليه السلام

واقعة حقيقية ؛ بعد نجاح مظاهرات تونس ومصر بالإطاحة بنظام

زين العابدين وحسني تظاهر العراقيون في بغداد والبصرة والحلة

وغيرهامطالبين بالخدمات والحصة المفقودة وقتها ومـحاسبة الفاسدين

وفي محافظة الكوت تصدت الجيش والشرطة للمتظاهرين واصيب

عدد منهم ؛ وقد صرح أحد أعضاء مجلس تلك المحافظة المعينة

عقب تلك المظاهرات قائلا ً(( هذه المظاهرات بعثية تنادي بعودة

الدكتاتورية ونحن المنتخبون سنقف ضدهاوسنبقى على كراسينا

حتى انتهاء مدة الانتخابات ))!!!

فكتبت عندها قصيدتي من لوعة المعانات من أمثال هذا

والذي وصل إلى كرسيه على حساب هؤلاء

المتظاهرين المطالبين بحقوقهم

(( لا تتظاهر... لاتتظاهر ))

لا تتظاهر لا تتظاهر صوت اصياحك دكتـــــاتور *** لاتتظاهر لاتتــــــظاهر رجـعت انظـام المقــــــــبور
ﮔالاهة المنتخب الراقي عضو المجلس بلمجـهور *** حطيتة انتة وفوﮒ الكرسي وخليتة ايصرح مــسرور
وحبر الإصبع أطة أحبارة أربعة إرهاب المشهور *** تبدي القصة الكوت الثارت والشرطي اليضرب مأمور
ليش اتـﮕـول الحصة انـﮔطعت ليش اطلع بلمستور*** مليارات هواي انلغفت والجـــيب الينـــهب مـــــعذور
أجيبوب اهواي اتسويه بــــس هو المـﮕرود ايثـور*** ليش اتـﮕول الحصة انـﮕطعت اشكروتمن ظل أيـدور
اشكر وتمن اظل تتعارك من تتــــوزع علــجمهور*** وزيت الحصة ايشـﮒ هدومة ماشاف اطاوة منـشهور
والـﭼاي اتبـــرة منلقـــوري يومية امخــدر ويــفور*** وطحين الــــوجبة مريحينة يـــومية مـﮕابل تنــــــور
هاذة اصمون شمحلاتة منتعلــــسهة وبي مـــغرور*** والشارع بلطنة وندري طﮒ المـــجري حـﮕـة يجور
من مطرت فاضت عبراتة يومية مكـشف محــفور*** وطينة اتـﮕل الطينة ادني خليني آنة ويــاچ انـــــزور
وﭽيحة اتـﮕلل ﭽيحة اشمالچ آنة اكبر منـچ بالدور*** وتيول انفجرت صلحني خايب صـــــلحني المـدﮔور
بوﮔت افليساتي وتلهط ملبـــسني الثوب المبـــتور*** ابرميل النفط امجملني من لحمي وثوري المــــنحور
والتالي ايشبهنة ابتونس وابريمر خـــط الدســـتور*** ولاخر بارض النيل اتـــشفة وامريكة الفلشـتلة اسور
هاي القصة وظل يتراجف من هبت شعبي الموتور*** هاذة وذاك وذاك وهاذة بالقــــصر وبــــيتل محقور
بساعات اطحينتنة انزفت يلكوت اجراحچ مشــكور*** والشكر اتوضة بدبـﮕاتة بميناء البصرة المـــعمور
والريس نصص بيزاتة منصور الريس منـــصور *** والمجلس شابه خــطواتة اقترح ينصـــص مجـــبور
يجتمع وكثف جلساتة سني وشعي وكردي اﮔــبور *** مو قصدي اﮔبور اتلفلفهم قصدي الذنب يظل مغـفور
والقصة الهة اذيول اهواية انهيهة بـﮕلبن مكــسور *** أضحك والبلوة اتضحكني أبعــــدكم ربي مـــــنلجور
أبعــدكم ربي منــــلجور

والله الذي لاإله إلا هو
صرح محافظ تلك المدينة بعدها
أنه شاهد بقايا الطعام الفاخر في الأزبال
وأن المحافظة ليس فيها فقراء
كثر وأغلبها لايحتاج للطحين !!
ياكاظم الغيظ.........