بالسجـــــــده طبــــــــــــــروه
 

بالسجــــــــده طبــــــــــــــــروه
ــــــــــــــــــــــــــــــــــــــــــــــــــ ــــــــــ
رادَوا يِطفّوه === بالسجده طُبروه
بس ما طُفه نور العدل باقي يشع دوم === نور إنتشر مثل الشمس ما تحجبه إغيوم
ــــــ
ما عُرفوا الناصبه حامي الحميّــه
نوره إنتشر حيدره يضوي البريّه
سيف المُرادي إبألم شاف الرزيّه
يوم الطبَر هامته ظل إبأذيّـــــــــه
محرابه محتار === نادى يكرار
حسراتي تمليني بعد عينـاك مهمــــوم === نور إنتشر مثل الشمس ما تحجبه إغيوم
ــــــ
يحسين نادى الحسن طبروا ولينه
وإشلون يفتح بعد محرابه عينـــه
أيتام ضجّت تُون ﻓﮔـــدت علينـــه
والدين صار إبحزن محّـــد يعينــه
والشيب مخضوب === يحسين وإيلوب
جُرحه صعب مابي شفه والسيف مسموم === نـــور إنتشر مثل الشمس ما تحجبه إغيوم
ــــــ
صاح الصُميده فزت بيها الشهـاده
دمّي جره إبسجدتي إبساعة عباده
أشكُر إلهي العلي نلت السعــــــاده
جبريل من السمه مجروح نــــاده
هاليوم أحزان === والدين ولهان
وإنفصمت العروه الوثيقه ﺗﺑﭼـي اليوم === نــور إنتشر مثل الشمس ما تحجبه إغيوم
ـــــ
رمضان شهر الحزن بيك إنفجعنه
من غاب تاج العدل بيه إنصدعنه
حُبّك علي سيدي هُـــوّ الجمعنـــه
ننصب مآتم حزن وآلام عدنــــــه
وإنّادي وإبنوح === حيدر يمجروح
إنتَ أملنه ياعلي والشيعي مظلــــــوم === نور إنتشر مثل الشمس ما تحجبه إغيوم
ــــــ
زينب ملاها الحزن والشـر إجاهـــا
بعد الوصي المُرتضى شافت عزاها
ظلت وحيده والزمن بالهم عماهــــا
ﻓﮔدت أبوها بعــد أمهـــا إو مُناهـــا
ما ظلت آمال === منها الحزن نال
لكن صبرها العالمه معروف موســــوم === نور إنتشر مثل الشمس ما تحجبه إغيوم
ــــــــــــ

وإنعزّي طه النبي إبهاي الفجيعــه
وإنعزّي أم الحسن بنته الشفيعـــه
وإنصيح فاض الصبر يبن الوديعه
عادت أميّه إو إجت هجمه فضيعـه
بيك الأمل صار === ياصاحب الثار
لَمْتَه الفرج ياسيدي إو راياتك إتحـــــــوم === نور إنتشر مثل الشمس ما تحجبه إغيوم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldyfx37417.mp3.html

http://a4.sphotos.ak.fbcdn.net/hphot...04824293_n.jpg

علي يحظرك علي ويرعاك امير النحل بحق محمد وال محمد

ـــــــــــــــــــــــــــــــــــــــــ

ـــــــــــــــــــــــــــــــ

عظم الله لنا ولكم الأجر بذكرى أستشهاد سيد الموحدين وأمام المتقين وقائد الغر المحجلين أسد الله الغالب مولاي علي بن أبي طالب (ع)

ـــــــــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخ الطيب قاسم حتروش
اشكر مرورك الطيب وفقك الله ورعاك

عظم الله لكم ولنا الاجر والثواب

ـــــــــــــــــ
بسم الله الرحمن الرحيم
اللهم صل على محمد وآل محمد وعجل فرجهم
ِ الاخت نرجس
اشكر مروركِ وعظم الله اجورك