|
**(فكد حيدر_ يظل يسعر_طاح ابموضع السجده)** حيدر الناصري12
((المســـــــــتهل)) فكد حيدر_ يظل يسعر_طاح ابموضع السجده ********** ((النــــــــــــــــــــص)) يوم أظلم على الأمه....يوم أمصاب أبوالحسنين وأظن زينب أبحركه....تندب ياعلي ابكل حين يحيدر بعدك العتــره....تتذبــح لجل هـآ لديــن يطـلبونه أبدر وحنين...مديونـه آلأمـيه أبـديـن جموع الشر_ غدت تفتر_ عدوك ياهوْ أيّرِدهْ ********** جبريل الغدى بسماهْ...يصيح ابطبرة الهامه شلون أبن اليهوديه...يكدر يوصلْ أجدامه هذا البالحرب كرار...مـحدْ يِصفه جدامه عمربالخندق أتكنطر.. آبسيف الخانته ايامه علي كبر_أوحز منحر_عَمر المحد أيصده *********** هـذا الشهدتْ أبحكــه.. أعاديه أبـدر وأحـنين هـذا الـكلفـه صولاته.. يشـهدله جمع صفيــن العرب لوكامت الحربه..ميّهزه الف وألفين أسْلام أنبنه أعله ايده..صهرأحمدأبو السبطين أوبالمحشر_على الـكـوثر_تروي كلمن أتوده *********** شملنه أطشر أمن زمان..يــايوم النـرد يمــك ولْصوبك ندير الـعيـن ..نلـهـج كلنـه بأسمــك نطوف أبصحنك أولابد..نكصدك حتى لونهلك ليمته الـغربه ضيعتنه..اوصبرنه أتقيسه أبصبرك نريد أنْعود_ ألْوطنه أردود_علي ياحاضر الشدة ********** روافض تدري سمونه..أوجم لوعه الْفتنه اوهم من يومك لعدْ هاليــوم.. أنصبغت شيعتك بالدم ذنب ماعــدنه وياهــم ..ذنبنه أشلون ألك نهتــم بغض حيدر فرض عدهم..هذوله أتباع أبن ملجم نظل وياك_ أوتَحتْ ألواك_أشما زاد العدد عده ********** صبر ماظل بعد عدنه..ليـاحـد ياعلي أبهالحال نزورك عالبعد صرنه.. واحْمول الْـعلينه أثكال نكوم أونكـعـد أبهمـنـه..او مــاظلــت بعـد آمال نـواجهْ عالــم بأســره ..تـكاصت منه الأنــذال نظـل ننخــاك_ أوماننســاك_لو زاد الظـلم حده ********** أخوكم: حيدر الناصري كتبتها ايام الغربه المره |
حيدر الناصري
وفقك الله وسدد خطاك رمضان كريم |
الشاعر حيدر الناصري
أحسنت وسدد الله خطاك وجعلها الله في ميزان حسناتك عظم الله أجوركم |
كرار حيدر موفق انشاء الله كررها بثانيه رائعه دمت لنا السعبري |
اقتباس:
مولاي العزيز/ابو ياسر الكعبي رعاك الله أنحني خجلا امام وحي قلمك الموالي العلوي خادمك حيدر الناصري12 |
اقتباس:
مولاي العزيز/ابو تكتم الخير رعاك الله لاحرمك الله شفاعة امير المؤمنين علية السلام وفقك الله وسدد خطاك خادمك حيدر الناصري12 |
اقتباس:
مولاي العزيز/السعبري رعاك الله لاحرمك الله شفاعة امير المؤمنين علية السلام وفقك الله وسدد خطاك خادمك حيدر الناصري12 |
أبو كرار العزيز والفاضل
بوركت الأيادي لما قدمت لمولانا أمير المؤمنين جزاك الله خير الجزاء وتقبلها منك بقبولٍ حسن..؛ ودي وتقديري |
مولاتي العزيزه أم جعفر رعاك الله لاحرمك الله شفاعة امير المؤمنين علية السلام وحشرك الله في زمرة الزهراء عليها السلام وفقك الله وسدد خطاك خادمك حيدر الناصري12 |
| الشبكة: أحد مواقع المجموعة الشيعية للإعلام الساعة الآن: 12:50 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025