منتديات أنا شيعـي العالمية - دموع المحراب ... تجليبة علوية

السلام عليك يا ابا الحسن يا أمير المؤمنين .. قصيدة اهدي ثوابها لكم و إلى امواتكم و اموات شيعة علي عليه السلام
من لا ذاكر لهم يذكرهم على الخصوص الشهداء الكرام و خدام اهل البيت عليهم السلام و أسألكم الدعاء

يحيدر شوف مِحرابك يصُـــــب دمعه
مثل ما صَب دمع عينك على البضعه
1
يبو الحسنين شاهِـــــد حاله محرابك
عليك ينوح من سيــــف الغدر صابك
يريد اجواب يا حيــــــدر تره اجوابك
يخمِّد نار محرابـــــــــــك مِن يسمعه
2
يحيدر هذا محرابـــــــــك صُبَح خالي
بعد ما چان راســـــه ابسجدتك عالي
عگب عيناك محــــــــــرابك بلا والي
و فراگـك يحيدر تِــــــــدري شيجرعه
3
يحيدر صار لمّــــــــــــن راسك اتخذّم
محرابك نبع مـــــــــــن عنده ينبع دم
يريت انشلت ايمينـــــــــــه إبن ملجم
ولا راس الديانه ابسيفـــــهِ ايصدعه
4
جرح راسك يحيـــــــدر كمّـل المشوار
بده بيوم السقيفـــــه و هجمة الاشرار
على دارك يحيــــــــدر يا شرف هالدار
حطب ذيچ الصَحابــه الغادِره اتجمعه
5
حطب بابك يحيـــــــــدر يا ألم سبّب؟
من يومك لِهسّه الوالِتــــــــــك تنحب
جم فرقه و طريقه و طائفـة و مذهب
وجم عيب و خلل جم ثلمـه جم بدعه
6
يحيدر من تِجرّه اعليـــك سيف الشر
بدت المعروف بفعــــــال البشر يزغر
و المنكر ظلامــــــــه ابكل عصر يكبر
و صار الدين ثــــــوب ابدافع السُمعه
7
يا حيدر تشوف النـــاس كثره الناس
لچن قله قليله التشبــــــــــــه العباس
بلا إحساس وادِمنـــــــــه ولا نوماس
وصوت الحگ يحيــــــدر قِلة لِتسمعه
8
منو المثلك يحيــــــــــدر بالعدل يحكُم
ما يغدر و لا يفجـــــــــــــر و لا يظلم
و لا بالسوط لظهـــور الخلگ يسگـُم
و يبني بالعدل يابو العـــــــــــدل قلعه
يحيدر شوف محرابك يصُــــــب دمعه