وداع الجواد عليه السلام ( تجليبه )
 

بسم الله الرحمن الرحيم
اللهم صل على محمد وآل محمد وعجل فرجهم

وداع الجــــــــــــــــواد عليه السلام ( تجليبه )
ــــــــــــــــــــــــــــــــــــــــــــــــــ ـــــــــــــــــــــ
جواد العتره هذا إبن النبي المُختار === وداعه اليوم حضروا مأتمه يَحْرار
ــــــــــــــــــــــــــــــــــــــ
وداعه اليوم إبن الطاهره الزهره == صُبَــــر عالضيــــم والآلام تنتظره
زغير السن أبو الهادي إو ﮔضه عمره == مله الدنيه إبضياءه إو حارت الأفكار
ـــــ
مله الدنيه إبعلومه إو حيّر الأعلام == جــاوب عن مسائلهم جوابه التام
كرامه إو عز حواهن ما أبد ينضام == فتـــى إو فاز إبعلومه يشبه الكرار
ـــــ
فتى إو فاز إبعلومه يرتقي الصعبات == قــرآن إو نُطق بالحق سور وآيات
يحرجونه يريدون إو أبد هيهــات == ما ينذل إبن حيدر دلاله صار
ـــــــ
ما ينذل إبـــن حيدر جـــــواد الخيـــــر == على نهج النبي الهادي مساره إيسير
واﻟﻳﮔصد إلَه إبطلبه أبد مُيْحير == مضيفــــه فاتح البيبان للزوّار
ـــــ
مضيفه فاتح البيبـــــان مولانـــه == إسم باب المُراد الصار عنوانه
مُحبّينَه إو أبد هيهـــــــات ينسانـــــه == دمعنه إيسيل لمصابه إو يصب أنهار
ــــــ
دمعنه إيسيل لمصابه ابو الطيبات == والأرواح ﻣﻟﭼومه إو تجر حسرات
ياربّي عليهم إنــــــــزل اللعنـــــات == بني العباس سمّوه إبحقد وإصرار
ـــــــــــ
بني العباس سمّوه إبحسد مجنــون == لبسهم عار من فعل الرِدَه يدرون
يعرفون الجواد إو جدّه هادي الكون == لكـــــن بالكُره ظلّوا عصابه أشرار
ـــــــ
لكن بالكُره ظلّوا يهادينــــــــه == نريدك تندب الموعود مهدينه
تهل أنواره مولانه إو يجي لينــه == صبرنه فاض والأحقاد تلهب نار
ــــــ
صبرنه فـــــاض يامولاي ياأحمــــد == أساءوا ليك أنذال إو نسوا كُل حد
لكن مادروا نورك يشع فرقــــــــد == أبد ما ينطفي إيحفظه الأله البار
ــــــــــــــــــــــــــــــــــــــــــــــــــ ــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldknh80060.mp3.html





http://sphotos-g.ak.fbcdn.net/hphoto...82623139_n.jpg