يوليدي ياضنواي *** الشاعر ياسين الوائلي
 

يوليدي ياضنواي ** ** من عيني هاك الماي
عبد الله يبني
خلي الدمع يرويك ** ** يطفي الضمه الماذيك
عبد الله يبني
*****************************
يعبد الله يضنــــوه البلكلب يــرعه
يبني شلون دليل الضمك تفجــــعه
ورضيت شلون سهم النايبه يكطعه
وتخلي دموع امك من دمه الدمعـــه
****************
نهر الدمع من سال ** ** فوك الوجن شلال
عبد الله يبني
يجري بمحنه عليك ** ** يطفي الضمه الماذيك
عبد الله يبني
####################
علـَي ساعات مرن والليالي شهود
ردت بيهن ولو لحظه النياحه تهود
شهٌود الروح وانت من المهد مفكود
ولا غايب يــــعبـد الله واكول تعـــــــود
يوليدي من دريت** **لصوب المهد فريت
عبد الله يبني
در الصدر يسكيك ** **يطفي الضمه الماذيك
عبد الله يبني
####################
يبني الروح تسولفلك بجايه الروح
من صدت عليك وشافتك مذبوح
كلها جروح صارت مامثلها جروح
وخطت نوح تعلم من شجاها النوح
خطت مثل ينكال ** ** فكد الأبن جتال
عبد الله يبني
عيني البكت تربيك ** ** تطفي الضمه الماذيك
عبد الله يبني
####################
موهينه يعبد الله شتظن سهله
تعوف امك وحيده بفكدتك ثكله
جرح بٌعدَك صعب يبني وكلف شله
وتدري اجفاك خله و للكبر ذله
ام ونطرت ارباك ** ** الكبره عزه وياك
عبدالله يبني
امك تضل ترجيك ** ** تطفي الضمه الماذيك
عبد الله يبني
********************************
الوكت وياي يبني اخلف مواعيدي
الحسبته وياك راح وياك يوحيدي
شنهو الضل يعبدالله شبكَه بأيدي
وشوفنك طفل مذبوح يوليدي

اسمع صدى واشباح ** ** تناديني طفلج راح
عبد الله يبني
روحي البكت تشجيك ** ** تطفي الضمه الماذيك
عبد الله يبني
#######################
تمت والحمد لله

جـفـي مـن دمــه نـحـــرك حنيته
وحـــنــيـن ألـناس مومثلي حنيته
يعبد ألله الظــــهــــر يبني حنيته
وعميت الشوف يــــــلـــرحـــت من أديـــــــــــــــــه
*********************
لخادم ألحسين
ياسين ألوائلي