مابين الجفن والعين ** راسملك صور يحسين **( الشاعر ياسين الوائلي)
 

مابين الجفن والعين ** راسملك صور يحسين
شايلك طفل مذبوح ** وجفوف ويتامه تنوح
ياحسين * ياحسين
**********************
صــــور لحســـين وســط العــين راســــــمها
لوحـــه مـن الطــــفوف بروحــــي عالـــــمها
انـــــامــــــل كربــــلــــه الخــــطت مظالــــمها
وتــــلون مـــن دمــــوم الطــــــف معالــــــمها
وانه مكمط بمهــــــــدي ** حاضنها الصـــور عندي
ربيت وياها من زغري ** واحسه تعيش وي عمري
ياحسين * ياحسين
**********************
يــمخدوم المـــــــلك يامـهجــــة الـــــــــزهـــــره
حـــرت اشــلون اوصــفك واكـــتب الــــــــفكـــره
ونـــشف بــــــــحر الشعر يتــوسل الــــــكطـــــره
انتــــفظ دمعــــــي يخــــط المــــقتــل بــــفطـــــره
موصوره بخيالي هاي ** وخطت مقتلك مــولاي
باالذر شاهدت رسمــك ** ذبيح مخضب بدمـــك
ياحسين * ياحسين
******************
حـــلم مذبــوح اشوفـــن طيـــف ليليــــــــــــــه
وكـــواكــب عــــلارض وبــدور مرميـــــــــــــه
اشـــوف ايــــتام حضـــنها السوط مسبيــــــــــه
وشمــس تبـــجي الـــكمر بعيــــون مدميـــــــــه
أشاهد بلسمه عبــــره ** نزلت علارض حمـــره
فاضت والمنادي يصيح ** يـــاذبيحـــــن ياذبيــح
ياحسين * ياحسين
********************
رســــم دمـــع الشـــجون عللـــجفن لوحــــــه
بيــــها حســـين ضــامي ينـــــازع بروحـــــــه
وعيـــنه بـــكل حــــذر لخـــيامــه مشـــبوحــــه
يــــحــاذر خــــاف زينـــب تــــنظر جـــروحـــــه
يشم برايه ملفوفــــه ** وفارس فاكد جفوفــــه
وكماط وطــفل بيــــده ** ذبيــح وينزف وريــده
ياحسين * ياحسين
****************************
اريــــــد اكتـــب ووصـــف آه مــــن زينـــــب
تــصير آهــــات بحـروف الشـــعر تلهــــــــب
ولــــني بـــأه سبيـــــــه عـــــللهزل تركـــــب
خـــــذت منـــي القصــيده وياها باالموكــــب
قصيده من شعر ياسين ** نصبت مأتم علحسـين
مشت وي زينب بهمه ** تباري ضعون ابو اليمه
ياحسين * ياحسين
######################
خادم خدام الحسين
الشاعر ياسين الوائلي