تصرخ مدبنة أحمد ( لليوم الأول من محرم )
 

بسم الله الرحمن الرحيم
اللهم صل على محمد وآل محمد وعجل فرجهم

تصــــــــرخ مدينــــــة أحمـــــد ( لليوم الأول من محرم )
ــــــــــــــــــــــــــــــــــــــــــــــــــ ــــــــــــــــــــــــــــ
هذا الصرح ما يِنْهَد === صرح الحُسين الأمجد
تصــــرخ مدينــــــة أحمـــــــد
ـــــــــــــــــــــــــــــــــــــــــــ
ياكربله سر المجد == ﻋﻧدﭺ وضح عنوانــه
كُل مَنْ يزورﭺ ينهضم == تبــــدي إو تزود أحزانه
ياريت إﻟﭻ أسعه إو أجي == روحي صفت حيرانــــــه
آني مدينة فاطمــــــه == عندي الهُدى وأركانه
ولهانه ولهانـه === لزيارﺗﭻ ولهانه
شرّفني نور الفرقد === نور النبي الماينصد
تصــــرخ مدينــــــة أحمـــــــد
ــــــــ
سمعي يطيبه ونّتــــي == بيّه الحزن من يومه
يوم الشهيد المنذبــح == بأرضي الغدت معلومه
أم المصايــــــب كربله == آني الشفتها الحومه
ما شفتي مثلي الحايره == يــــوم الغـــدت مهضومه
محظوظــه محظوظـــه === إبهذا المجد محظوظه
عندي الطلب ما يِنْرَد === من الحُسيـــن الأسعــــد
تصــــرخ مدينــــــة أحمـــــــد
ــــــــــ
ياكربله آني إبحزن == إلْمَن أبــــــث آلامي
عندي الحبيب المصطفى == بــــس مظلمه أيّامـــــــي
رابض على صدري الرجس == لَمْتَــــه تصيـــر أحلامـــــــي
ملّة نواصب كافـــره == حَرْفَت مسار إسلامي
خجلانـــه خجلانــــه === من الفعل خجلانه
كُل مَنْ يلثمه يِنْصَد === من الروافـــــض يِنْعَد
تصــــرخ مدينــــــة أحمـــــــد
ــــ
صبري يطيبه والصبــر == حتماً فرج من بَعْدَه
لازم تشوفين الأمل == الله يحقّق وَعْدَه
باﭽر يجينه المنتظــر == والسيف قاتل حَدّه
ينهي النواصب والكُفر == ينشــر علينه سَعْدَه
وإبيومــــــه وإبيومــــــه === يحيي العدل وإبيومه
وإيصيح جيتـــك ياجـــد === والكُل رجس لازم حَد
تصــــرخ مدينــــــة أحمـــــــد
ــــــ
ياكربله مُــــر الصبــــــر == وإشلون إنتِ إصْبَرْتي
يوم إﻧﮔطع نحر السبط == وإنـتِ إبدمع شاهَدْتي
محظوظه صرتي إبهل وضع == مايــــوم مِلْتــــي إو هِنْتي
يسعه إﻟﭻ كُل البشـــــر == بحسين كعبه صرتي
مهمومــــــه مهمومــــــه === إﺧﺗﭻ أنَـــــه المهمومه
جُرحي كُبر ما يِنْسَـــد === كُل يوم فاجر يجحَد
تصــــرخ مدينــــــة أحمـــــــد
ــــــ
هاي التحيه للنبـــي == من كربله إخذيها
كُل الجموع الزايـــــــره == أرضي إبفخر تحويها
بلغي البتول الطاهره == كُل اليجي إيعزّيها
أرضي إنتصر بيها السبط == ياهــــــــو الذّي إيدانيها
زوّاري زوّاري === ما تنتهي زوّاري
من الأله الأوحـــــــــد === ما ينتهي هذا المَد
تصــــرخ مدينــــــة أحمـــــــد
ــــــــــــــــــــــــــــــــــــــــــــــــــ ــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldx1i22990.mp3.html

ــــــــــــــــــــــــــــــــــــــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخت الروح
اشكركِ وعظم الله اجوركِ

ـــــــــــــــــــــــــــــــــــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخت الطيبه راحيل
اشكركِ وعظم الله اجوركِ

اللهم صل على محمد وآل محمد وعجل فرجهم الشريف


اللهم صل على محمد وآل محمد وعجل فرجهم الشريف



اللهم صل على محمد وآل محمد وعجل فرجهم الشريف



بديييييييييييييييييعه القصيده وصوره شعريه مذهله ومتفرده


جزاااااااااك الله خيييير بكل حرف بها ووفقك الله اكثر واكثر


حقيقه القصيده راااااااااائعه والله

ــــــــــــــــــــــــــــــــــــــــــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخت الطيبه فضه
اشكركِ وعظم الله اجوركِ