|
أنصــــــــار أبـــــــو اليمّــــــــــه
بسم الله الرحمن الرحيم
اللهم صل على محمد وآل محمد وعجل فرجهم أنصــــــار أبـــــو اليمّــــــه ــــــــــــــــــــــــــــــــــــــــــــ يمكن قراءة هذه القصيده بنفس طور قصيدة ( ياليتنا كنا معك ) التي قرأها الرادود الحسيني المرحوم وطن النجفي ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ إحنَه أنصار أبو اليمّه الأشــم === جينه نفدي النفوس إبكُل كرم بينه آهات إو ألم === جينه نفدي النفوس إبكُل كرم ــــــــــــــــــــــــــــــــــــــــــــــــــ ــــــ صوتك البلحــق == نادى ياربّــــاه وإحنه بالوجدان == ياولي إسمعناه جدّك المختــــار == بالأمُر طعنـــاه إحنَه ما نِنْسَه خير المُصطفه == هــــــذا منهجنه لا مو عاطفه نرفع إبشوﮒ العلم === جينه نفدي النفوس إبكُل كرم ــــــ نُنصر الأســلام == بالزحف ويّــــاك نفــدي الأرواح == من أجل عينــاك بالحشر يحسين == تشفع إلنَه إهناك وأمّك الشافعــــه إبيوم الحشـــــر == تشفع إو ما يمس عاﺷﮓ جمُر كُلنا نمضي بالنَعَم === جينه نفدي النفوس إبكُل كرم ـــــ عاﺷﮔﻪ الأرواح == للشهاده اليوم ترفع الرايــات == رايده بالحــوم تنزل اللعنـــات == بالعدو المذموم نرفع الرايه العلت راية علي == رايــه منصوره بالحق تعتلي رايه هِدْمَت كُل صنم === جينه نفدي النفوس إبكُل كرم ـــــــ سيدي يحسيـن == نبعة المُختـــــار للمجـــد مولاي == تنظر الأنصـــار مجدك الموسوم == من علي الكرار من مسيرة علي ناخذ درس == والمُعادي غبي لا ما يِحِس لا تراجع لا نَدَم === جينه نفدي النفوس إبكُل كرم ـــــ وي حبيب اليـــوم == نعلن الصولات نُنصـــــر المظلوم == ما نذل هيهــات عابس المغـــــوار == وَيْ وَهَب آيات وإبزهير إو سعيد الحُب علــــه == وي برير الذي إبزوده إنمله مسلم إو جون إنوسم === جينه نفدي النفوس إبكُل كرم ــــــ من وفه العبــاس == ناخذ الأقــدام عدنه زود إيفيض == يرسم الأحلام نبــدي بالحملات == نفدي الأعلام نفدي عترة محمد بالدِمَــــــــــه == فدوه لحسين إبن حامي الحمه ماتذل هاي الهِمَم === جينه نفدي النفوس إبكُل كرم ــــــــــــــــــــــــــــــــــــــــــــــــــ ــــــــ مع تحيات شاعر اهل البيت / جابر النجفي إسمعوا القصيده على هذا الرابط http://www.wlidk.net/dldhov93882.doc.html |
| الشبكة: أحد مواقع المجموعة الشيعية للإعلام الساعة الآن: 07:12 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2025