منتديات أنا شيعـي العالمية - هيبـــــــــــــة الأكبـــــــــــــر

بسم الله الرحمن الرحيم
اللهم صل على محمد وآل محمد وعجل فرجهم

هيبــــــــــــة الأكبــــــــــر
ــــــــــــــــــــــــــــــــــــــــــــ
يمكن قراءة القصيده بنفس طور قصيدة ( ياليتنا كنا معك ) التي قرأها
الرادود الحسيني المرحوم وطن النجفي
ــــــــــــــــــــــــــــــــــــــ
ما يهاب الوغى إو سيل الخطر === راية الحق علي الأكبر نشر
يعبر أمواج البحر === راية الحق علي الأكبر نشر
ــــــــــــــــــــــــــــــــــــــــــــــــــ ـــــــ
من علي الكرار == هيبة الأكبـــر
لو دخل للحــوم == يخلس العسكر
هالفتى موسوم == لو هجم كبّـــر
لو نهض بالعزم يشبه علي === والمحن من ضياءه تنجلي
مالك أوتاد الفخر === راية الحق علي الأكبر نشر
ـــــ
يبعث الأنـوار == من يهل بالحوم
يشبه المختار == بالخلق موسوم
والعدو يحتـار == يصبح المهزوم
من يهل يختفي نور الشمس === والعـدو ما يهاجم ينخرس
تشرد إتفر البشر === راية الحق علي الأكبر نشر
ـــــ
كوكب الأسحـار == ما يظل وإيغيب
والفتى إبمسراه == واﻟﮔلبها إيذيـب
أمّه إبأحـــــزان == ولولدها إتشيب
تعرف الكوكب إتغَيْبــــــَه المحن === ما يظل ياخذه منها الزمن
يختفي النور الأغر === راية الحق علي الأكبر نشر
ــــــ
نـــــــــادت إبآلام == سيدي يحسيــــــن
ما جره إبهل حوم == من بله إو من بين
إبني إو أتنـــــــاه == صار الأكبر ويـــن
للولد إدعي ياليلَه العلي === ينتصر والرزايا تنجلي
ينتهي إبسيفه الأشر === راية الحق علي الأكبر نشر
ـــــ
من رجع منصور == نادي يامـــــولاي
رايد العطشــــان == شربه من هل ماي
والأبــــو حيران == والدمع ﺷﭼـّـــــاي
ياعلي إصبر إو نــــــــار الظمه === ما تظل من بعد سيل الدمه
ﺗﻧﺳﮔـــي إبماي الظفر === راية الحق علي الأكبر نشر
ــــــ
بالخيم أحــزان == والعقيله إبنار
تنتظر هالشاب == يرجع المغوار
وأمّه المهيوب == بالأمر تحتــار
من رجع للخيم أمّه إبفرح === نادتــــــه ياعلي ﮔلبي إنشرح
من رحت همّي كُبَر === راية الحق علي الأكبر نشر
ــــ
والفـــرح ما دام == من بعد لحظــات
جابوا المذبــوح == ما يرد هيهــــات
باﻟﮔلب من غاب == خضّرت حسرات
وأمّه إبكل ألم نادت هله === ياعلـــــــي حظّي إبدمك عله
بعدك إيطول السهر === راية الحق علي الأكبر نشر
ــــــــــــــــــــــــــــــــــــــــــــــــــ ــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldse935140.mp3.html