![]() |
هـــــذا ولينــــــه السجّـــــــاد ( نزلـــــــــه )
بسم الله الرحمن الرحيم
اللهم صل على محمد وآل محمد وعجل فرجهم هـــــذا ولينــــــه السجّـــــاد ( نزلـــــــه ) ــــــــــــــــــــــــــــــــــــــــــــــــــ ــــــــــــــــ هذا ولينه السجّـــــاد === واويلاه شاف الظلم والأحقاد === واويلاه ــــــــــــــــــــــــــــــ زين العِباد علي ودّعنه ياحيدر شاف الأحزان دمع يجري إو ﮔلب يسعر كربله إبشوﮒ حوت حسراته تتعذر شاف الحسين على ذاك الثره إتوذر هاي المصايب تنعاد === واويلاه شاف الظلم والأحقاد === واويلاه ــــــ شاف الأخوان على درب المجد كلهم عافوا إحسين وحيد إو أعلنوا حبهم شاف الأعمام فدوا دين النبي جدهم شاف الأصحاب رضا المعبود يجمعهم بيه الألم يغلــــي زاد === واويلاه شاف الظلم والأحقاد === واويلاه ـــــ شاف الأطفال تهج للحوم مذعوره بالخيم نار مشت تحرﮔﻬــا مسعوره زينب إتشوف عليها صعبه هالصوره شايفه أخطار غدت بالعيله منشوره ﮔلبه ولينه ماهـــــــاد === واويلاه شاف الظلم والأحقاد === واويلاه ـــــ كربله إتصيح مله تُربي دمع جاري دمع الأحزان علي صبّه على ناري أدري بالآه ملت ﮔلبه الألم ساري ساعة الشاف أبوه إعلى الترب عاري هذا سليل الأمجــــاد === واويلاه شاف الظلم والأحقاد === واويلاه ــــــ يدفن إحسين رجع للطف علي العابد دمعة العين يصبها والألم صاعد من سمع صوت أبو اليمّه الولي الوالد طفلي خليه على صدري غده إيكابد يوم الدفنها الأجساد === واويلاه شاف الظلم والأحقاد === واويلاه ـــــ منبر إعلام علي يكشف معانيها ثورة إحسين أبو اليمّه الأمل بيها طغمة إيزيد نزل صوت الولي إعليها صاعقة نار حرﮔﻬــا واليواليها يوم الصعدها الأعواد === واويلاه شاف الظلم والأحقاد === واويلاه ـــــ ودّع إو راح علي ياحيدر الوالي غاب هاليوم ﮔمر من بيتك العالي رابع الآل علي الساجد مضه الغالي حِزنَت إعليه يتامه إو مجلسه خالي هذا علي إبروحه جـــــــاد === واويلاه شاف الظلم والأحقـــــــــــــــاد === واويلاه ــــــــــــــــــــــــــــــــــــــــــــــــــ ـــــــــــــ مع تحيات شاعر اهل البيت / جابر النجفي إسمعوا القصيده على هذا الرابط http://www.wlidk.net/dld4s146519.mp3.html |
الشبكة: أحد مواقع المجموعة الشيعية للإعلام الساعة الآن: 10:29 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2025