منتديات أنا شيعـي العالمية

منتديات أنا شيعـي العالمية (https://www.shiaali.net/vb/index.php)
-   المنتدى الثقافي (https://www.shiaali.net/vb/forumdisplay.php?f=37)
-   -   في رثاء القاسم بن الحسن ع (https://www.shiaali.net/vb/showthread.php?t=166221)

مرتضى شكر 04-12-2012 12:12 AM

في رثاء القاسم بن الحسن ع
 
يامسهل ياالله
للقاسم بن الحسن(ع) شعر: مرتضى شكر
ياجسام شمعة عمرك --- شمعة عمرك ياجسام
جف القدر طفاها --- والدهر ماينساها
ياجسام شمعة عمرك --- شمعة عمرك ياجسام
------------------------
يبني أوياجبرة دلالي ----- يانور إعيوني أودنياي
شمعات إسنينك طفوها ----- يوليدي أوياشتل إصباي
شفتك تنزل سوح الكلفه ----- سباح أمالي أوسلواي
بالألام غنتب فجرك ----- غنتب فجرك بالألام
ياجاسم يابدر أحلامي ----- إضلمت بغيابك أيامي
ياجسام شمعة عمرك --- شمعة عمرك ياجسام
---------------------- 1
ياكمرة عيني الماغابت ----- لحضه أولاهجرتها إضنوني
زفتك جانت قصر أحلامي ----- وأتنطر بيك إيهنوني
إعلكت إشموع الزفه إضلوعي ----- حنه إعجنت إبدمع إعيوني
هالأحلام خلها إتخبرك ----- خلها إتخبرك هالأحلام
ماضني إبحنتك من دمك ----- بأرض الطف وإيفجعون أمك
ياجسام شمعة عمرك --- شمعة عمرك ياجسام
--------------------- 2
تانيت إسنين أنطر شتلك ----- يفرع وإعيوني إتباريك
تتسله آمالي إبضحكاتك ----- جروان إدموعي اليرويك
وإيورد شتلك يوليدي ----- لن كاع الطف إتناديك
شد إحزام ثورة صبرك ----- ثورة صبرك شد إحزام
وإتحدى الموت إبأصرارك ----- لوح الأستشهاد إختارك
ياجسام شمعة عمرك --- شمعة عمرك ياجسام
--------------------- 3
ودعت أمك بأرض الغربه ----- ولحوفت عرسك طبيت
إرماح إعداك إشموعك يبني ----- وإسهام الكلفه الجكليت
إتخلد للتأريخ إسطورك ----- للمبدأ بالدم ضحيت
للأسلام توفي إبنذرك ----- توفي إبنذرك للأسلام
ثاير لأجل الحك عنوانك ----- خالد والشاهد ميدانك
ياجسام شمعة عمرك --- شمعة عمرك ياجسام
---------------------- 4
يالعريس الله إيعين أمك ----- شافت جسمك عالتربان
إشموع إسنينك تجري الدمعه ----- وإتسامرنزف الشريان
إبدم نحرك متحنيه إجفوفك ----- إنشوده لكل الشبان
عرسك دام آية نصرك ----- آية نصرك عرسك دام
يوليدي أوياحلم إسنيني ----- بالغربه إشلون إتخليني
ياجسام شمعة عمرك --- شمعة عمرك ياجسام
---------------------- 5
لتلوم أمك يوحيدها ----- لويصبح ديدنها النوح
شافت جسمك بالدم سابح ----- يالغالي أوياروح الروح
ياسلواها الله إيساعدها ----- عريس إتشوفك مذبوح
هالظلام داست صدرك ----- داست صدرك هالظلام
إشلون أمك تحبس دمعتها ----- ريح الشر طفت شمعتها
ياجسام شمعة عمرك --- شمعة عمرك ياجسام
---------------------- 6
25ذو الحجة 1432هـ المصادف22/11/2011م --- النجف الأشرف

*ali* 04-12-2012 12:22 AM

سلام الله عليه

شكرا لك


الشبكة: أحد مواقع المجموعة الشيعية للإعلام

الساعة الآن: 04:49 AM.

بحسب توقيت النجف الأشرف

Powered by vBulletin 3.8.14 by DRC © 2000 - 2025