|
قضيتنه الرساليّه -- شعائرنه الحسينيه
قضيتنه الرســـاليّه = شعائرنه الحسينيه تحدينا العدا بيها = وفرض لحسين نحييها شعائرنه الحسينيه ______ وحــڰ صبر الحسين ومنحره الدامي = وحــگ طفله الرضيع المنذبح ضامي شعائرنه عقيده وخطها أسلامي = ما همنه الذي عنها يضل عامي رغم كل طاغي حاربها = النصر للدوم واكبها واجيال التأديها = وفرض لحسين نحييها شعائرنه الحسينيه ______ شعائرنه حقيقه ولا تظن بدعه = واليشكل عليها المنطق يردعه حُسيناً من نصيح ونسكب الدمعه = نواسي المرتضى والهادي والبضعه ونعزي القائم المهدي = وحتى لو أظل وحدي المآتم ربنه حاميها = وفرض لحسين نحييها شعائرنه الحسينيه ______ عليمن كل وكت انته علي تشكل = وعنها اتواترت اخبار لو تسأل المصادرها اطلع يا هذا واتأمل = سندها متصل عن النبي المرسل هو الــگال واسوني = بحُسين وقرة عيوني وهاي اخبار نرويها = وفرض لحسين نحييها شعائرنه الحسينيه ______ أول ما نظر هادينه لحسينه = شافه ولانها فاضت بالدمع عينه يـگل للزهره بالطف لو تشوفينه = صريع ومنذبح ويه اهله وابنينه عليه بالمدمع اينوح = وفؤاد الزهره مجروح واحنه الي نواسيها = وفرض لحسين نحييها شعائرنه الحسينيه ______ عله حسين وخدمته لا تناقشني = نصيبك للفشل لمن تحاججني عنه ما گدر چــم طاغي يمنعني = وانته شما صرت حاشى تغيرني نضل خدام ما نخضع = لون اشلاء نتكطع نموت وما نخليها = وفرض لحسين نحييها شعائرنه الحسينيه ______ عن جعفر امامي اخبار ننقلها = بسندها المعتبر للشيعه گايلها حسين زيارته للحج يعادلها = وللباري دعى لزواره يشملها برحمته الواسعه وگال = عديد اخبار وافضال ودموع العين يجريها = وفرض لحسين نحييها شعائرنه الحسينيه ______ ندخل كربله ونــگصد شهيد الله = نطوف عله الضريح وبالدمع ننعاه حسين اليوم نادى واحنه لبيناه = وابد والله ما ننسى حسيناه نضل لحسين انصار = نواجه كل الاخطار والدعوه نلبيها = وفرض لحسين نحييها شعائرنه الحسينيه ______ اذا رايد ثقافه وبيها تتثقف = اخذ فن (التشابيه ) واله اتعرف تجسد للمشاهد كلها يوم الطف = وتخلي الفكر باعماقه يتوقف عله ادروس الشهاده = ويحصل للإفاده توصله بعمق ماضيها = وفرض لحسين نحييها شعائرنه الحسينيه ______ لطمنه عله الصدر لو تكتشف امره = عزف حزن الموالي وناره مستعره ما ننسى الشمر اليوم الصعد صدره = صعد صدر النبي وبسيفه حز نحره اللطم لحسين معناه = نواسي حجة الله واله الارواح ننطيها = وفرض لحسين نحييها شعائرنه الحسينيه ______ عمار جبار خضير 5/12/2012 |
قوافي الايثار ------ يشرفني ان اكون اول من مرة هنا بماذا اعبر عن فرحي وغبطتي لك على هذا العطاء زادك الله من نعيمه يا ابا ياسر موفق |
قوافي الأيثار
مبدع ورسام وفنان محترف انحني لك |
اقتباس:
|
اقتباس:
|
الاستاذ القدير والشاعر الكبير عمار جبار لك مني دعاء بدوام التوفيق والتالق ودوام السير في درب الولاء دام مداد قلمك نازفا جروح الآل كلمات وقصائد تحيـــــــــــــــــــــــــــــــــــــــــــــات ي |
اقتباس:
|
| الشبكة: أحد مواقع المجموعة الشيعية للإعلام الساعة الآن: 03:09 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025