دمعة عتب بعيوني
 

آه يــــخوتي الـعفتــونـــي
دمعـــة عتــب بعيــــوني
بعتاب أهلهها*** يمكم يهلها
دمعـــة عتـــب بعيــونــي
***************
يهلي البلكلافه اسبــــاع ** وامثــــال الـــــفخر بيـــكم
يطيبين النسب يحــــــرار ** بحـــك الـــخوه اطالبــكم
انه الحره الولتها اجنــاب ** اجيت بلــوعه اعــاتبكم
تعوفوني الـــخدر مسلوب ** مو انــــــه الوديعتـــكم
مــن الـــخدر مسلوبــــه
زينــب آنــه المهيوبــــه
سلبوا خدرها *** يمكم يهلها
دمعــة عتــــب بعيـــوني
******************************
لونكم يخوتــــي تصدون ** لخيامي التشب بـــاالنار
تشوفون الحــــرم واطفال ** مرعوبه وصفت طشار
تـــولتها سيـــــاط الكوم ** ولاحرمه البكــــــت يبرار
وشــاجف يخوتي بيـــدي ** وادور علــــــولتهااشرار
يحضــر ردت كفـــالــي
يفـــزع يلــم اطفـــالــي
حيرني أمرها *** يمكم يهلها
دمعـــة عتب بعيــــوني
**********************
هدم حيلي يخوتي الطف ** وصوابي الكلــــف جتال
فركاكم حنه ضــــلوعي ** وتكطع دليــــــــلي اوصال
عكبكــــم ياهلـــي ضليت ** اســيره وحـــــايره بعيال
عكـب ذاك الحمه والعـــز ** لنـــــي بلا حمــــه يبطال
تالـــي الوكـــت خلانـــي
تــــــامر علـيً عدوانـــي
زالوا قًدًرها *** يمكم يهلها
دمعـــة عتب بعيـــوني
******************
اصدن يخوتي عليـــكم ** وانتم علــــــــترب نـــومه
اشوف حسين ابو اليـــمه ** ذبيح مسلبه هــــدومه
وشفت اعله النهر عباس ** اخوي الزلزل الحـــومه
ليث مكطع الجفــــين ** وتسيل عللــــــــثره ادمومه
يوم الشفت هـــاالمنظــر
حيلــــي انهدم واتعثــر
فاضت صبرها *** يمكم يهلها
دمعـــة عتب بعيـــوني
************
يبدور الهـــوت علكــــاع ** هــوت ويـــاكم ضنونـــــي
غريبه وي الغرب ضليت ** بعدكــــم مــــــن جيفيتوني
محتاره وادور الضــــــاع ** وشاكف سوط بمتونــــي
مكسورة ظهــــر نــــاديت ** ردت منـــكم تسمعونــــي
صوت وصرخ بشجونـي
كــل ضنتي تحضرونــي
ينحل يسرها *** يمكم يهلها
دمعــة عتب بعيـــونـــي
###################################
خادم خدام الحسين
الشاعر ياسين الوائلي

احسنتم يا خادم الحسين عليه السلام الله يوفقكم ماشاء الله