نقسم بدمانه السالت فداء** ماننسه حسين ولا كربلاء

شما يغدرون ** وشميفجرون

ماننسه حسين ولا كربلاء

****************

شما يغدرونه** وشميفجرونه** لا مانرد

ظنهم تعوفه ** وترجع ضيوفه**وعنه تصد

ندري بغدرهم ** نعرف مكرهم**كلهم حقد

منهاب اعدانه ** نضحي بدمانه**زمانبتعد

نقسم بحسين وضلع البتول**منعوف حسين وحق الرسول

شما يذبحون ** شمايفجرون

********

حلم الانصار ** صبرالاحرار**لا مايجف

باعداء حسين ** واعداء الدين**مانعترف

نلطم ونوح ** متهمنه جروح**وهذا النزف

نضحيله نحور** ونظل نزور**نزحف زحف

نزحفله ونوهب كل الدمه**وتشهد لدمانه املاك السمه

لا ميكدرون**وشميفجرون

************************

رغم التفجير **نزحف ونسير**مهما جره

عايش ويانه**وبلب احشانه**حبه ســـــره

نبقه بمنهجنه**واضح موقفنه**بدمنه الجره

لجله الدم يجري**خلي اللي يدري**والمادره

لو طك صبرنه نحرك حرك***عاليعادينه نسحك سحك

شما يهجمون**وشميفجرون

*******************

هو القضيه ** حبه الهويه** غيره الــــعدم

ماتنسه دمومه **ولا نحره ويومه**كل الخدم

نبقه بخدمتهم **نمشي بمنهجهم**نرفع علـــم

نقسم بالباري** وبدمنه الجاري**اعظم قســـم

نبقه اويه حسين ونصبح فده**غصبن عله خشوم العده

شنا يجندون** وشميفجرون

************************

موقف شيعتهم **ماردت عنهم**رغم الدمه

شمايمر بيهه **بحبهم ندريهه**متحزمـــــه

نقسم بمصابه **وبدم احبابه** وبفاطمـــــه

الكل تعتنيله** تزحف تجيله**متألمـــــــــه

نبقه بطريقه وبكل فخر**وننتظره يوم المنتظر

شمايجندون**وشميفجرون

************************

شفنه العجايب**ويه المصايب**نوح وشجن

لا ماخضعنه**لا ماساومنه**رغم المحن

ندري النهايه**تصيح بدايه**باخر زمن

تزهي الايام**واترف الاعلام**بابن الحسن

لجل العقيده نوهب مهج**وندعي بارينه ايعجل الفرج

خل يكفرون**وشميفجرون

**************************