منتديات أنا شيعـي العالمية

منتديات أنا شيعـي العالمية (https://www.shiaali.net/vb/index.php)
-   المنتدى الثقافي (https://www.shiaali.net/vb/forumdisplay.php?f=37)
-   -   ياحرام دمروا دار السلام!حسين الساعدي (https://www.shiaali.net/vb/showthread.php?t=174172)

منذر الساعدي 01-04-2013 07:01 PM

ياحرام دمروا دار السلام!حسين الساعدي
 
يا حَرام ياحرام
دَمروا دار السلام!
حسين الساعدي
بيها بس الحوم يفتر هاجرت كل الحَمام
والعراق الجان كلبه منترس شوك وغرام
هسه بالدم صبغ دربه من ضحايا الانتقام
بعد ما ضلت محبه والغدر صار ازدحام!
العيد جان ايلم شملنه بالمحبه اوبلوئام!
هسه يا عيد اليمرنه ايزيدنه فرقه وخصام!
وجان واحدنه يشور حوبته حوبة إمام
وِاِليخون الملح يعثر جانت النيه تمام!!!
هسه مختلفه النوايا والملح بس بالكلام!
هسه خيرنه ايتعثر! والبطن شبعت حرام!
ما نقدر نعمة الله نمشي وندوس الطعام!
من ادينه اشصار بينه وبعد شيفيد الملام!
ضاعت الرحمه علينه اوبينه بس الاتهام!
والايتام العدنه ضاعوا مالكوا منه اهتمام
ياعراق اشبيهه ناسك! طاحت إبحر الظَلام!
ليش يا دار السلامه مابقى ابدارك سلام!!
الساعدي

عبدالله خلف العتابي 06-04-2013 12:22 AM

السلام عليكم
شاعرنا المبدع دائما
منذر الساعدي
الله الله روعه وقمة الابداع
رائع وتسلم تلك الانامل التي
خطت هذا الابداع موفق
تلميذك
عبدالله العتابي


الشبكة: أحد مواقع المجموعة الشيعية للإعلام

الساعة الآن: 07:03 PM.

بحسب توقيت النجف الأشرف

Powered by vBulletin 3.8.14 by DRC © 2000 - 2025