منتديات أنا شيعـي العالمية - أم عباس في رحاب زينب

بسم الله الرحمن الرحيم
اللهم صل على محمد وآل محمد وعجل فرجهم

أم عبّاس في رحاب زينب ( عگيلي )
ــــــــــــــــــــــــــــــــــــــــــــــــــ ــــــــــــــــ
زوري الحــوراء إو واسيها === يم عباس إو شوفي إشبيها
ــــــــــــــــــــــــــــــــــــــــــــــــــ ــــــــــــــ
يم عباس الحرّه إتنــــادي == زينب آني إو جدّي الهادي
بالشام الشر واضح بادي == گبتــــي الناصب هاليرميها
ـــــ
يم عباس إو واسي زينب == أحقــــاد الحاطتها إو تلهب
خل يحضر ويّاچ الكوكب == عباس الكافـــــــل يحميها
ـــــ
يم عباس الكافل وينـــــه == إخته إتريده الحامي دينه
خل ينهض وإتشاهد عينه == زينـــــب بالشام إمْحَوْطيها
ــــ
يم عباس إدموعچ هلــّـــي == وإبحضرتهـا الزينب حلـــّي
لــَتـــْعيفيها إو حيده إو ظلــّي == يمهــــــــــا إو يازينب ناديها
ـــــــ
يم عباس الـروح إلـْتِهْبَتْ == والنار إبكــُل شيعي شبّتْ
وإدموع العُشـاگ إنـْصَبّتْ == زينــــــــب تِتــْأسَر تاليها
ــــــ
يم عباس أحفاد الكافــر == بيهم كل ملعون إو فاجر
ردّوا والشر عدهم ظاهر == نِيّتهم سوء الناويهـــــــا
ــــــــ
يم عباس إحسين إبروحه == يگصــــــد ويّاچ المجروحه
يمها إو ينصب مأتم نوحه == وينـــــه اليِتــْعَـدّه إو ياذيها
ـــــ
يم عباس إحسين إبْهمّــه == ظل نازف ما يوگف دمّه
وإينادي الزهره يايُمّــــــه == زينب غيمه إتمُر إعليها
ـــــ
يم عباس المهدي إنريده == يظهر دين الهادي إيعيده

يمسح هَم الحرّه إبأيـــــده == ولزينب عَمْـتــــَه إيْـحَـيّيها
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldpq100257.mp3.html