غَربلت ابوقت ما قست دنياي
حسين الساعدي



عاين عالنتيجه الطلعت ابهاي!

لَمن غَربلت كل أصدقائي


جِنت الهم مُطَر لو شح شح الماي
لا صيفِ اليكِضني إولا شِتائي


وأتنقى الصَديق اليمشي وياي
وتعَبني إشكِثر هذا إنتقائي!


وبكل موزمه تلكاني مَشاي
وأبد ما قصر إبهذا إنتمائي


كلت خليني أغربل ياهو رَجواي
من ياهو أبتعد والمن بقائي!


غَربلت ابوقت ما قست دنياي
شفت صَدمات هَدت كِبريائي


شفت الجنت أظنه قلعة بالراي
طلع هالقلعه ما ثابت هَوائي!


وشفت الكال بَس اتصيح لَفاي
صار أخرس ولا يسمع نِدائي!


حَتى اللي حِلف لو صارت إدماي
غَلس جنه ما شايف دِمائي


وطلع ذاك الصَديق البَوَخ إهواي
ولا جَنه عِرف ساعة بَلائي


وين أقرب الناس الجانوا اوياي
تِبَروا مني صرتهم وَبائي!


واحد جنت أظنه ايجامل اعداي
ولا حَسبته يهتم العَزائي


طلع هو الأصل من جيته شكاي
ذَب روحه كبل روحي فِدائي


طلع بيهم وَفي وتعنه عَناي
بس هَالوفي خَجلني إبوَفائي!!


جنت اعتقد نفسي وَحدي وَفاي
طلعت اصغير كدامه إبولائي


http://ashaq-basimyat.net/vb/images/icons/rose.gif
الشاعر حسين الساعدي

راق لي

راقني ماراق لكَ سلمت لطرحك يامنذر