منتديات أنا شيعـي العالمية - للجــــــواد إقصـــــد يزايـــــر

بسم الله الرحمن الرحيم
اللهم صل على محمد وآل محمد وعجل فرجهم

للجـــواد إگصــــد يزايــــر
ــــــــــــــــــــــــــــــــــــــــــــــــــ ــــــــــ
للجواد إگصد يزاير === لاتظل مهموم حاير
ــــــــــــــــــــــــــــــــــــــــــــــــــ ـــــ
تاسع العتره الشريفه سيــدي == مولده اليوم إو فرحنه يبتدي
والتهاني الفاطمه إبيومه النـــدي == وإبتده عشگ النقي من مولدي
والفرح بالكون داير === لاتظل مهموم حاير
ــــــ
زيدوا هاليوم الصلاة إعلى النبي == بالحفل إحضر يغايبنه الأبــــــي
حـُب أهل بيت الرساله مذهبي == من جواد العتره آخذ مطلبـي
يوم توزيع البشاير === لاتظل مهموم حاير
ــــــــ
هلــّت الأنوار والكون إنشـرح == وإنتشر عطر الولاده والفرح
واليحب آل النبي فاز إو نجــح == والبغضهم غار مذموم إنجرح
بالولايه الكون ساير === لاتظل مهموم حاير
ـــــــ
ريت يمـّك سيدي هذا الحفـــــل == ننظر أنوارك نذوب إو نِبـْتهـِل
والفرح عندك يدوم إو يــِتـْصـّـــــل == وإنتَ ياشيعي التفوز إو تِنـْشـِمـِل
بالشفاعه إتفوز باچـر === لاتظل مهموم حاير
ـــــ
هنــّي حيدر ياموالي إبمولـــــــــده == والجواد إيــْحـِضرك إبيوم الـرَدَه
إحيي حفله وإبتهج غيض العِـدَه == باچــر المحبوب يوفي إبموعده
يــِحـْضرَك يوم التغادر === لاتظل مهموم حاير
ـــــــ
إفرح إو إهتف إريدك ياجـــواد == تحضر إوياي إبمماتي والمعاد
ما أحير إهناك ياباب المُراد == يرتوي وإتطيب آلامه الفؤاد
موعدك ويـّاه زاهر === لاتظل مهموم حاير
ــــــــــــــــــــــــــــــــــــــــــــــــــ ـــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldci428559.mp3.html