منتديات أنا شيعـي العالمية - وازينبــــــــــــــاه 2

بسم الله الرحمن الرحيم
اللهم صل على محمد وآل محمد وعجل فرجهم

وازينبـــــــــــاه 2
ــــــــــــــــــــــــــــــــــــــــــــــــــ ـــــــ
وازينبا == وازينبا == وازينباه
وازينبا == وازينبا == وازينباه
ــــــــــــــــــــــــــــــــــــــ
عباس زينب حايره يابو الفضل واسيها
للشام روح إبرايتك ياسيدي وإحميها
مو إنت كافلها إو يظل مايك عذب يرويها
هذا يزيد إو زمرته عاد إو إجـَه تاليها
وازينبا == وازينبا == وازينباه
وازينبا == وازينبا == وازينباه
ــــــ
عباس زينب رادتك من كربله إتوافيها
وإتقود أحبابك تجي وإتشوف ما حل بيها
بـُعدك يبو فاضل صعب وأهل الجهل تاذيها
بالشام زينب بالألم حقد الشمر يرميها
وازينبا == وازينبا == وازينباه
وازينبا == وازينبا == وازينباه
ــــ
عباس يلبيك الأمل إختك غدت مهمومه
يردون ما إلها گبر محـّد يزور إرسومه
هذا إبن ملجم ظهر والغايه شر معلومه
وإبأيده سيف إمن الحقد وأشفاره سـَم مسمومه
وازينبا == وازينبا == وازينباه
وازينبا == وازينبا == وازينباه
ــــــ
عباس يردون الگبر ينزال وإيــْهـِدّونه
زمرة يزيد الفاسقه زمرة جهل ملعونه
نفس الخوارج أجــْرموا حيدر علي إيكرهونه
لو ما يخافون الغضب گبر النبي إيزيلونه
وازينبا == وازينبا == وازينباه
وازينبا == وازينبا == وازينباه
ـــــــ

عباس للشام إرتحل ويـّاك جودك جيبه
إسگــي الشهيد إبيمنتك گلبي الشهيد إيذيبه
محـّد يواجه غيرتك كـُل شر تـِدَمره إتصيبه
وإيرد عدوك بالخزي يحمل مراره إو خيبه
وازينبا == وازينبا == وازينباه
وازينبا == وازينبا == وازينباه
ـــــ
عباس ياراعي الشيم إختك تراها إبحيره
حاطوها أرباب الكفر إلكم وجهه إتديره
يابو المعالي والكرم يلبيك تغلي الغيره
إگصد لزينب سيدي خلــّيها تضوي الديره
وازينبا == وازينبا == وازينباه
وازينبا == وازينبا == وازينباه
ــــــــ
عباس ما عدنه أمل غير الولي مهدينه
يظهر يجينه بالعجل وإتشوف ما حل عينه
وإيشوف كل ناصب قزم هدم المراقد دينه
دينه القتل لهل الهدى أجداده أمـْوَصــّينه
وازينبا == وازينبا == وازينباه
وازينبا == وازينبا == وازينباه
ـــــــ
عباس دمعاتي تصب شوگ إلصرح مولاتي
حرموني منـّه الناصبه هاك إستمع آهاتي
ياريت يمها إبكل وكت وأجري وأصب دمعاتي
باب الله زينب ينفتح للعارف إلها إو آتي
وازينبا == وازينبا == وازينباه
وازينبا == وازينبا == وازينباه
ــــــــــــــــــــــــــــــــــــــــــــــــــ ـــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldtfh77613.mp3.html