بالغريه من ظليتي
 

بالغربه من ظليتي تواســـيج بس الغربه وحيطان كبرج يمه تنحب يزينب صعبه
يايمه زينب *لمصابج انحب
ياجرح الزمان الماشـــفه ولا طاب
لماهن سويه الباب والمـــــــحراب
وحيده بغربتج ماعنــدج من احباب
ولايمج كمر هاشــــم وكف عالباب
مظلومه زينب*لمصابج انحب *بالغربه من ظليتي
عفت ارض البقيع وكاصده الروحي
ايدي اعلا الضلع واللوعه بضلوعي
وحالج يالعـــــــــقيله هدم اصروحي
يواسيني بمــصابج كل وكت نوحي
كلبج تعذب*لمصابج انحب*بالغربه من ظليتي
يايمه يزينــــــــــــــــب كثرة الامي
وياجبد الحسن كل لحظـــــه كدامي
وابو السجاد مدمي ومنـذبح ظامي
وابو فاضل كفيلج هدم احـــــلامي
بالدم تخضب*لمصابج انحب*بالغربه من ظليتي

تتعنه الــــــمواكب تكصــدج كل عام
لجن هسه الحبيــــبه بوليـــــة الظلام
لارادود يقـــــره ولانحـــــــــب لطام
لجن زينــب حقــــــيقه وذلت الاوهام
دلالي يلهب*لمصابج انحب * بالغربه من ظليتي

يالبوة علي والطــــــــــف الج عنوان
ياعرش الصبر ياكعــــــــــبة الاحزان
ودمع عيني رسمـــلج لو حـة الاشجان
زينب اه يازينب بالكـــــــــــلب نيشان
الحاله تصعب*لمصابج انحب* بالغربه من ظليتي
وحيده والكمر عبــــــــــــاس مو يمج
ويدور اعلا الخيم هسه صبح خصمج
رد هم الطفوف وياعـــــــــــظم همج وبس هم المـــــــصاب الي بقه عندج
ظعنج تغرب*لمصابج انحب * بالغربه من ظليتي

خادم الحسين*عدنان منعم