بسم الله الرحمن الرحيم
اللهم صل على محمد وآل محمد وعجل فرجهم

محبوبـــي أهــــواه ( مولديــّه في مولد الحجه عجل الله تعالى فرجه )
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
أهـواه أهـواه === محبوبي أهواه
دوم أنتظر مولاي === حامي الشريعه الجاي
محبوبي أهواه
ــــــــــــــــــــــــــــــــــــــــــــــــــ ـــــــــــــــــــــ
مولد إمامي اليوم يادنيه هــَلــّـــــي == خلــّي الحزن ينزال عنـّي يــِوَلــّي
كـُل شيعي هذا اليوم لازم يـِصـَلـّي == يشكـــــر إله الكون للحق يــِدَلـّي
فرحان فرحان === كُل شيعي فرحان
يكشف همومه هاي === حامي الشريعه الجاي
محبوبي أهواه
ـــــ
نادوا هـَلـَه بالجاي حامي الشريعـــه == هنــّوا الزچيــّه اليوم أمـّه الشفيعه
رابع عشر معصوم يضوي الوسيعه == بالمهدي راعي الثار فرحوا يشيعه
موعود موعود === بالخير موعود
يضوي بدر دنيــاي === حامي الشريعه الجاي
محبوبي أهواه
ــــــ
هنـّوا أبو الزهراء ريت الفـــرح دوم == هنــّوا علي الكرار بالمهدي هاليوم
هـَل نور أبو الثارات وإنزالت إغيــــوم == والحق ظهر للناس طير الهــَنـَه إيحوم
آمـال آمــال === يحملها الآمال
نوره يشافي الداي === حامي الشريعه الجاي
محبوبي أهواه
ـــــ
أتمنــّه يومه إيصير وإيهل علينـــــــه == وأنشوفه حامي الدين بأرض المدينه
وإنشوفه بأرض إحسين وإيبث حنينه == رايــــــــة عدل وإحسان ترفع يمينه
رايات رايات === تتواله رايات
يرفع إلي يمنـــاي === حامي الشريعه الجاي
محبوبي أهواه
ــــ
دوم أنتظر مولاي بشواقي كـُلهــــا == عنـد الولي الموعود مشكلتي حلها
والدنيه هامت بيه هـُوّ أملها == كــُل الخلايق راح يقره عملها
مرسوم مرسوم === لازم يجي إبيوم
يحيي نظر عيناي === حامي الشريعه الجاي
محبوبي أهواه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldqyd61862.mp3.html