منتديات أنا شيعـي العالمية - عيد الجعفريــــّه ( لمولد الحجه عجل الله فرجه الشريف )

بسم الله الرحمن الرحيم
اللهم صل على محمد وآل محمد وعجل فرجهم

عيــــــد الجفريـــــّه ( مولديه في ميلاد الحجه عجل الله فرجه )
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
هاليله عدكم عيـــــــــد يالجعفريــّه === ميلاد أبو الطيبات إبن الزچيــّه
نثروا الورد والهيل === يكشــــف ظلام الليل
ميلاد أبو الطيبات إبن الزچيــّه
ــــــــــــــــــــــــــــــــــــــــــــــــــ ـــــ
ننتظره هذا اليوم يـــــــوم الولاده == نص إبشهر شعبان حلــّت سعاده
هذا الوعد مرسوم حل إبمعاده == مولد إمــــام الخير بارينه راده
فرحانه أمـّه اليــوم === وإرتاح كل مهموم
والدنيه خير إتهيـل === يكشف ظلام الليل
ميلاد أبو الطيبات إبن الزچيــّه
ــــــ
هنــّوا النبي المختار والزهره أمـّه == هذا العطـــــر فوّاح إحنــَه نشمـــّه
كل شيعي هذا اليوم ما يبگه همــّه == عقدوا الحفل ياناس خلــّوها لمـــّه
خــَل تفرح الأكـوان === مولود عالي الشان
مذكور بالتنزيــــــل === يكشف ظلام الليــل
ميلاد أبو الطيبات إبن الزچيــّه
ــــــ
مهدينه هــَل اليوم يادنيه هلــــــّي == خل الحزن والضيم عنـــّي يولــّي
ياعاشگ الموعود لازم تصلـــّي == خلـــّي الشكر لله يصعد يعلـــّي
شكرا إلك ربــــّاه === مولود ما أحــــلاه
كل الجهاله إيزيــل === يكشف ظلام الليل
ميلاد أبو الطيبات إبن الزچيــّه
ــــــ
عجـــّل إلهي يوم طلعة ولينـه == نصبر عليه إشلون نبعة علينه
نفدي إلــَه الأرواح نرفع إدينه == نكتــب نعم نهواه نفرح إجينه
نهوه الولي المهيوب === وأرواح عدنه إتذوب
ندعوه للتعجيـــــــــل === يكشف ظلام الليــــل
ميلاد أبو الطيبات إبن الزچيــّه
ـــــــ
ياريت عمري إيطول وأشهد ظهــوره == وأنصر أبو الخيرات وأحتمي إبسوره
ويــّاه أزور إحسين يهديني نوره == باطل أميــّه إيروح ما يبگه جوره
يبني العدل والخير === وإيحارب التكفيـر
ويل العدو ياويـــل === يكشف ظلام الليل
ميلاد أبو الطيبات إبن الزچيــّه
ــــــ
عشگــي إلــَك مولاي ما يعرف الحد == بمحبتـــــــــــك مجنون والشاهد أحمد
والشاهده الزهراء أمــّك يأمجــــــــد == عشگـــك يظل بالروح ساكن مـــُخلــّد
لكن أشوفك وين === ياعلـــّة التكويـــن
من عندك التأويل === يكشف ظلام الليل
ميلاد أبو الطيبات إبن الزچيــه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dld2tz57227.mp3.html