|
زينب تودعك يا علي زينب تودعك
زينب تودعك يا علي زينب تودعك أوداع الحباب منه الكلب ذاب آه يا أبو تراب متكبعه بالهم والحـزن حيدر تنـدبك ..... زينب وعـاتب يا عـلي هـمـي بعـتابي ادري بعـذابك والجـرح يدري بعـذابي حالك يشـاهـد حالـتي ويسمع جـوابي وتـدريـني انـه أم الهضم أم ألمصابي ........ يا جـرح كلي أتحـمل مصابك والفراك لو حلم يا شمعة حـياتي و مني ينبـاك شسوي عيني لـو إلك يا بـوية تشتاك ينـزل دماهه مودمع من جفـني حراك ....... من هذه جرحك يا علي أصوب الكون يمك وكفـت انه وكلت يا حيدر شلـون حال اليتامى من طحت بسمك ينـادون يا جـف بعد جفـك ينشف دمع العيـون ...... من بعد عينك يا علي ما أريده عمري يا صبر يصبر ياصبر من هذه صبري تـدري بغـيابك انسبي وينسلب خدري وما اكـدر احجيلك بعـد مو انته تدري ...... شيحمل مصابك يا علي وأتحمل الهـم ليهـسة روحي مصـوبة بمصيـبة إلام واحمل بعد هـم الحسن والجبد والسم وحسيـن مو هــم ينحمل بس الله يعلم ...... عبـاس يا حـيدر علي ما قـصر ويـاي انطاني جفه وهامته وعيـونه والماي ونعـم منه يا شهم غـيـرة اخـو وفـاي بس أبمتوني يا عـلي ما يـدري بهاي ...... الشاعر أياد الفرح |
السلام على جبل الصبر زينب (ع)
|
عظم الله أجورنا وأجوركم بشهادة أمير المؤمنين
بوركت الأيادي أخي الفاضل مأجورين ومثابين ..؛ |
| الشبكة: أحد مواقع المجموعة الشيعية للإعلام الساعة الآن: 04:51 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2024