الشكل والحقيقة
 

الشكل والحقيقة
مو كلمن ضحك نظنه فرحان =ولا كلمن بجه كال اني حزنان
اكو ضحكة وراها تحبس اشجان = واكو دمعة فرح تسيل نيشان
صح صوت البلابل يعزف الحان = وصح كل الورد يطلع بنيسان
وصح ياهو النحبه نصيرله قربان = وصح ياهو النكرهه نشوفه عدوان
وصح شكل البحر باعماقه مرجان = وصح شكل الصحاري تثير عطشان
بس عمره الشكل ما جان برهان = ولا لون التشوفه يكون عنوان
رغم لون الليالي اظلم الوان = بس عدنا الليالي راحة ابدان
ونشوف الافاعي بشكل فتان = بس سم الي بيها يهلك انسان
يبقى الشكل خادع كل الازمان = والجوهر اساس تغلفه جدران
بقلمي / محمد ابو الحق