بسم الله الرحمن الرحيم
اللهم صل على محمد وآل محمد وعجل فرجهم

في مولد إمامي الرضا ( مولديــّه ميمر )
ــــــــــــــــــــــــــــــــــــــــــــــــــ ــــــــــــــــــــــــــــــ
هنيال كل گاصـــــد إلــَك مولانــــــه === ما يبگـــه هـَمـّه إو تنكشف أحزانه
ــــــــــــــــــــــــــــــــــــــــــــــــــ ــــــــــــ
ما يبگــه هـَمـّي والفرح يملينــي == مولد أبو إمحمد يسرها العيني
حـُب الرضا غطــّاها كـُلها إسنيني == وأدري الزچيــّه إبمولــده فرحانه
ـــــ
أدري الزچيــّه فاطمــــــــه مسروره == هذا الرضا إبن النبي هـَل نوره
والدنيه بالنور السطع مبهوره == نــور الأمام الثامن الوافانه
ـــــــ
نور الأمام الثامــــــــــــن اليهدينه == هـَل إنبعث يكشف ظلام البينه
نرفع تهاني للولـــــــــــــي مهدينه == يحضر حفلنه سيدي إو يرعانه
ــــ
يحضر حفلنه المهدي وإيهنـــّينــــــه == وإنشوف أنواره التهل من عينه
وإنشوف راياته التفيـّي إعلينــــــه == ندري أبو الخيرات ما ينسانه
ـــــ
أدري أبو صالح يشوف أعمالي == بالمنتظـــر كـُلها تظل آمالي
يوم اليجي نفرح نظل للتالـــــــــــي == يبني المجد وإيشيد كـُلها أركانه
ـــــ
يبني المجد وإتروح كـُلها آلامي == ويــّاه أگصد للرضا إبأحلامي
وأنخاه يكشـــــــف كل همـــــوم أيــّامـــي == يروي ظــِمــَه روحي الغدت عطشانه
ـــــ
يروي ظــِمــَه روحي الرضا إو يسگيها == وأيــّام مولد سيـــــــــــــدي أحييها
هاي الجموع الزايــــــــــره إيـــْحـَيـّيها == وإيشوف كـُل زاير يـــِعــَلــّي شانه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldt2u07117.mp3.html

بسم الله الرحمن الرحيم
اللهم صل على محمد وآل محمد وعجل فرجهم
الاخت الدكتوره المواليه
اشكر مروركِ الكريم وفقكِ الله