ظاهرة العنوسه
 

بسم الله الرحمن الرحيم
اللهم صلي على محمد وال محمد الطيبين الطاهرين

وكما عوادتكم دائمن أتتيكم بموضوع جديد في حوار المفتوح لنناقش فيه المواضيع الجميله والتي تكون في الحياة

لقد عملة لكم محادثه بين أبو الخطيب وأبو الخطيبه في ترتيبات الزواج .

عن العنوسه وأسبابها

أن العنوسه ظاهره غريبة تهدد الشابات قبل الشباب .

أسباب العنوسه .
الأن بتكلم بالكنه العامية أفضل لي وأقرب للفهم .

بداية اليوم طلب الخطيب مقابلة أبو الخطيبة وسلم على الأب ورحب به

تكلم ابو الخطيب وقال والله اليوم احنى جايين نخطب بنتكم المصونه لولدنا .

رد أبو الخطيبه: يا أهلا ويا سهلا زارتنا البركه وهذي الساعه المباركه .

رد أبو الخطيب : الله يسلمك هذا من طيبك وطيب اصلك . ألحين ويش قلتوا

رد أبو الخطيبه : والله يبيلنا نشاور البنت ونشوف رايها .

أبو الخطيب : ألي تشوفه

أبو الخطيبه : يشاور البنت وافقت أسم يعني مستحيه بس خلف الكواليس .

أبو الخطيب : ها بشر وش قلتوا

ابو الخطيبه مبروك مبروك .

أبو الخطيب الله يبارك فيك الولد خلاص وردة خدوده قام يعرق البسمه شاقه الوجه .

أبو الخطيب : ويش تامرون عليه أحنى حاضرين .

ابو الخطيبه : لا ما عليك بنتان بنتكم وولدكم ولدنا .

أبو الخطيب : الله يسلمك هذا العشم فيك . طلباتكم .

أبو الخطيبه : فرك أيدينه وقال طلباتنا قليله وما تكلف .

أبو الخطيبه : المهر 100 ألف خاطري انا بشتري بيت

أبو الخطيب : أنزين واهو يتبلع ريجه حسره .

أبو الخطيبه : بيت يكتبه بأسمها لضمان حقها .

أبو الخطيب : الأبو اشوي وبيجيه الربو والولد من وردة خدوده قربة عيونه تقرقر .

أبو الخطيبه : والله نبي طقم ذهب وطقم ألماس وطقم ياقوت على در . ايه قرايبها مو أحسن منها .

أبو الخطيب : طيب طيب الودلد قام يتحلطم .

ابو الخطيبه : تقول شي يا ولدي .

ابو الخطيب : لا لا طلباتك أوامر تدلل أنت ما طلبة الا القليل .

أبو الخطيبه : نبي سياره مع سواق خاص لبنتي .

ابو الخطيب : ما شاء الله .

أبو الخطيبه : نبي الله يسلمك البيت مفروش من الموكيت والفرش التركي .

أبو الخطيب : أهاااا الولد يتحلطم الله لا يسلم لك عظم .

أبو الخطيبه : نبي العفش من مصر .

أبو الخطيب : ما تبي معاها الاجهزه الكهربيه من أمريكا .

أبو الخطيبه : أااا ذكرتني وبعد الأجهزه الكهربيه .

أبو الخطيب : لا ممتاز ممتاز جميل .

أبو الخطيبه : العرس نبيه في فندق أنتركونتنتال .

ابو الخطيب : ما شاء الله جميل جميل إنشاء الله بيحضر الأمير سلطان .

أبو الخطيبه : ههههههه الله يقطع أبليسك طلعة خفيف دم وأنا ما ادري .

أبو الخطيب : نبي نعلمك بس الولد يساسر أبوه قم نمشي خلاص ما نبي .

أبو الخطيبه : نبي 150 راس غنم 80 راس قعود .

أبو الخطيب : بس ما تبي ازيد قليل ألي طلبته زودهم اشوي .

أبو الخطيبه : لا يكفي وبعدين الزايد وين نوديه ما نبي نلوح شي .حرام .

أبو الخطيب أي والله حرام الولد أحرمة عليك عيشتك .

أبو الخطيبه : وبس وهذي طلباتناه . ما طلبنا شي .

أبو الخطيب : بس بس ما تبي شي زياده خلاص قليل ألي طلبته .

أيش رايك بيت على البحر .

أبو الخطيبه : لا لا مانبي الخساير .

أبو الخطيب : يا ولد قم يالله مشينا .

ابو الخطيبه وين وين ما أتفقنا على موعد الملكه .

أبو الخطيب : أقول خل بنتك عندك ليكون ولدنا طالب يد برتني ولا باريس هيلتون .

أقول أقول يالله بس سو طريق

أبو الخطيبه : تعال وين شدعوه هذي طلبات عايديه .

الولد : يباه بتمشي ولا شلون .

أبو الخطيب : أقول روح على البيبان سطرت خطاطيب ينتضرون بنتك .

أنتهــــــــــــــــــــــــــــــــــــــــــــى

يا اخون أدري أن الشي مبالغ فيه بس ما طلع عن نفس الموضوع ألي أهو الناس يبالغون في الطلبات .

والناس تشوف الطلبات ألي تطلبها عايديه .

واغلب الناس إذا بتطلب تقارن حالها بحال الغير يعني ما تشوف ان الناس مراتب ومقامات .

منها الغني ومنها المتوسط ومنها الفقير .

والأهم في هذا الشي ان الزواج للعفه والستر وليس للمظاهر . وعلى كلام الكثير من الناس الزواج ليله في العمر

طيب وإذا ليله في العمر يعني علشان نفرح نخسر كل المخاسير علشان بس لحظة فرحة .

طيب أفرح بس الناس تفرح بالمعقول .


طيب أنا أنتظر منكم ردودكم على هذا الموضع هل هو صحيح ولا كله من واقع الخيال .



إنشاء الله سوف أكتب بحث ثاني عن أسعار الطلبات وغلاتها وماهي تكلفت العرس بالمعقول وليس بالجنون .

أخوكم الحر

السلام عليكم

اخوي الحر المحترم موضوعك جدااا شيق وروعه

واعتقد خيالي ..وين قاعدين بالمريخ زين ما قال له ياخذها زيارة الى المريخ ههههههههههه

بس شي محيرني كل هذه الطلبات من الاب يعني هو راح يعيش معهم ههههه

لازم يكون المهر قليل حسب الظروف اللي معروفه عندنا ...

ترى هي اهم المشاكل اللي تحصل من وراء العنوسة هم الاهل

شوف هذا الرابط وشاهد ارقام ونتائج العنوسة في بلداننا

http://www.egyptiangreens.com/docs/g...&categoryid=36

الف جزيل الشكر لك اخوي الغالي

مشكور مشكور جميل أنك شاركة معاي بهذا الموضوع

أما بالنسبه يا اخوي انه خيالي فاستبعدها لأن أساس العنوسه هم الاهل وأهو اساس خراب البيوت في تدخلهم

في مالا يخصهم .

تقبل تحياتي لقد أبهجتني في مشاركتك الجميله ولديك أسلوب جميل في النقاش .

أنتظر البقيه لأن لموضوع شيق وجميل جدا

مشكور كتير اخي الحر على هاد الموضوع الجيد الا ان اهم اسباب العنوسه بالنسبه لي هو الشباب او البنات يعني اللي بدهم يتزوجوا يعني انا طبت مرتين مره هي رفضتني بسبب ماضيي السئ ومره انا رفضتها لما عرفت انا بتحب واحد غيري يعني اضافه الى اسباب الاهل والمهر المرتفع والاساب الماديه الا اني بقول اللي بده يسوي اشي بسويه لو كل العالم وقفت ضده اذا شاء اخد البنت اللي بده اياها حتى لو كل العالم وقف ضده بس السبب كما اسلفت هو المخطوبه او الخاطب او كليهما اما السب الاهم هو النصيب يعني النصيب يحدد وشكرا مره اخرى

الله يبارك فيك يا أخوي أحمد الماضي السئ ينمحي والله يهدي من يشاء

على العموم شرفتني في الموضوع وبمشاركتك الطيبه .

جميل لا أعلق على كلامك لان كلامك هو نفسه مشروح .

وييييييييييييييييييين البقيه الموضوع يحتاج رائيكم .

جميل جميل يالبحرانيه

كلام وتعبير وأسلوب جميل جدا

أما بالنسبه للبنات فهذا شيء أيضا جديد على هذه الصفحه يعني بين لنا سبب ثاني للعنوسه

بارك الله فيك يا اخت بحرانيه أصبح لك مكان في كل موضوع .

مشكور أخوي على الموضوع الرائع
وأنا بنسبة لي موضوع العنوسة الاهل وشباب وبنات لهم دور فيه
مثل الاهل طلبتهما الزيادة على الخطيب نفسة سبب في عنوسة البنات والاولاد
وبنات نفس الشيء طلبتهما الزيادة وسبب رفضهما لسبب تافه مثل أسمر او نشيط او موجميل هدا بعد سبب ثاني للعنوسة خاصة لهم
اما دور الشباب واحد عمره 28 او 29 سنة
يأخد واحدة جاهل عمرها 15 او16 سنة ليش في بنات نفس مستوى الاخلاق والجمال بس عمرهم 21 و22 و23و24 سنة ليش مايتقدم لهم وهذا السبب لعنوسة البنات وللاسف هاذي ظاهرة منتشرة في هذا الوقت كثيرااااااااا

موضوعك موبس خبالي الا فوق الخيال ةلا في الاحلام مثل الف ليلة وليلة وهده الطلبات هم مبالغ جداً مبالغ فيها معقول في الناس تطلب هده الطالبات اللي ما ليها اساس فوق طاقة الانسان بعشرات المرات ولا واحد غني مقتدر يوافق على هده الطلبات الكثيرة الا ادا كان غبي يطلع شي ثاني0 والسلام

حتى بل لب لب 100الف ريال مرة وحده