(( رجعت من تلكّاهه))

***********************

رجعت من تلكّاهـــه** زينب بأربعينه

حُرّه الحزن خواهه ** والدمعه حزينه

أمشونه نواسيهه

محزونه نلآكيهه ** والدمعه حزينه

**---------------------------**

شتعاين وتعرفهه تلَّت تربــــــــــان/ من كبور أخوتهه/ من كبور أخوتهه

متشابهه وضايع عليهه العنــــــوان/ ســـــــاعة طبَّتهه/ ســـــــاعة طبَّتهه

دمعه حزينه تواسي الكلب الحيران/ والونّــــه واستهه/ والونّــــه واستهه

تشبح العيــن أدَّور ويـن الخـــــوّان/ هــــــذي رادتهه/ هـــــــذي رادتهه

ظلت حايره العيـن ** ياكبر التهوَه عليـــه

جاوينه كبر حسين ** الروح تريد تحاجيه

وتسمعه بواجيهه

محزونه نلآكيهه ** والدمعه حزينه

**---------------------------**

لمّت حرم وأيتـــــام شبكت كبره/ وتكلّه حاجينـــــــــي/ وتكله حاجينــــــــــي

تشم التراب الغطَّه جسمه ونحره/ من جروحي داويني / من جروحي داويني

كلبي شيصبره عليك يبن الزهره/ ذكــــــراك تواسيني / ذكـــــــراك تواسيني

ليلي طويــــــــل وماطلعله فجره/ لاصبح يراوينـــــي / لاصبح يراوينــــــي

طفّيهه نار الجور ** الحركت خيامــي

حاجيني يامنحور ** باصرني ياظامي

يانــــار النطفيهه

محزونه نلآكيهه ** والدمعه حزينه

------------------------------

ياظيــــــم تشكيلك المَرعليهه/ يلشابك ترابــــــك / يلشابك ترابــــــك

مثل الطيور تحــوم يم واليهه/ لمت أحبابــــــــك / لمّت أحبابــــــــك

دمعه بدمعه تريــدك تواسيهه/ بلحظـــات غيابك / بلحظات غيابـــك

مجروحه أجتّك وانت لدّاويهه/ وآخرهن مصابك / وآخرهن مصابك

مانشفت الدمعــــات **يشكيلك خدرهه

من نظرت الشمّات ** ليل أظلم فجرهه

وتتســـــتّر بديهه

محزونه نلآكيهه ** والدمعه حزينه

**---------------------------**

لاكي السبايه الردت من أرض الشام / وهوّد حملهه/ وهوّد حملهه

ياعيــن بغيابــك يابواليمّه تنــــــــــام / راح الكفـلهه/ راح الكفــلهه

عالكبــردارن يشكن جور الظـــــلآّم / ضـايع املهه/ ضــايع املهه

من يكعد أينشّف دمــــوع الايتــــــام / من بكه الهه/ من بكــه الهه

لاتهجع ولاتسكن ** لاتبرد اللوعـــــه

ضعنك ينوح يون ** وتسولف دموعه

منهو اليـرضّيهه

محزونه نلآكيهه ** والدمعه حزينه

**---------------------------**

تشبح عيون عالشريعه ورايـــــه / والجود وجفوفه / والجود وجفوفه

الهن قصد من هاي النظره وغايه / ذكـرن معروفه / ذكــرن معروفه

لارد عليهن لاشرّبهن مايــــــــــه / يقدرن ظــروفه / يقدرن ظروفــه

لاحارس بخيمكه ظــــــــل حمّايه / معذروه العوفـه / معذوره العوفـه

شجرة لكبر وذروهه ** كطعوهه من السبّاح

شمعة جاسم طفّوهـه ** ولاأم كلبهه أرتـــاح

يادمعــه لنوافيهه

محزونه نلآكيهه ** والدمعه حزينه
------------------