**------------------**

أصعب أيامــي تمر كدّامــي

تنظره أحلامي الوكع ظامي

------------------

شذكر من شهر عاشور وهمومه بگلبــــي سهام المصايب بعد يومه

بدمعة آه وبجم لوعه مالومــــــــه أبات الليــــل وعيوني جفت نومـه

تسولف الشمس للكمر ونجومـــٍـه ثلآث گلها ليالي نحرسه بالحومه

آنه أضوّيلــــه المَلك يوفيله

صوابه بدليله الوكع ظامي

-----------------

عله شفافه اللوعه بسمة الصابر طبع جروحه ماتشكي أله أتكابر

المطلوب للطالب وفي وحاضــر يظل دين بركبته اليوم والباجــر

أخذ شتريد منّــــي ينادي ياقادر يارب الجلآله الوجهك مهاجــــر

بعين الله أمره كاصد الفجره

الدينه ينصره الوكع ظامي

---------------

عَدِل ميزان دنيه مالت أحواله دماه بجفّته خـــــــلآّه ووصاله

هوَّه الدين لومه حسين يبرالـه يبذبحه أبن الدعيَّه ومحَّد بحالـه

حرام الله يحلل فعله وأقوالـــه فرعون آل أميَّه بنيَّة اعمالـــــه

الأبي حاضــر الدرب المخاطر

راعي المفاخر الوكع ظامــــي

---------------

شد بحزام حيدر ظهره وتعنَّه راد الماي بجفوفه يجيبه ألنــــه

وصل يم النهر جوده ملآ منَه لون ماكفَّه جاب العلكمي يمنــه

ماضاكت الماي شفافه لتهنه منــوألبي زود يم خيامه يدنَّــــه

من وفه بعهده المجد مجده

والحضن خدَّه الوكع ظامي

--------------

لاهيبة علي الاكبــــرعيونــــــي تشوف ولازفَّة فرح عشنه بــــــأرض لطفوف

الورد ذبلان من جمر العطش والخوف العاشر شمسه كسفت والكمر مخســوف

عشته بظيم وبحســــــره وگلب ملهوف وشوف أطفالي مرعوبه بوجه مخطوف

من طلع صبحه ماتت الفرحه

بالگلب جرحــه الوكع ظامي

***************