الى \ الوطن الجريح للشاعر ميثم الفتلاوي
 

بسيطه ياوطن كــل الماسي اتروح
وتـــــــرد انه السعاده وذيج لمتنه
ندوس عاليضدنه ولانعرف الخوف
وكـــــله اتخاف بالميدان صولتنه
واحـــــقاد الاعادي ماتهمنه ابيوم
ماكـــــــــــــدرت تغيرهه لهويتنه
نـــــموت عليك احنه ياوطن والله
وكـــــــل اجيوش هذا الكون هابتنه
من تسمع عراقي ترجف من الخوف
واسنين الـــــــــدهر ترويهه قصتنه
من ذاك الزمن كلنه عـــــــزم وايثار
وبس عزه وكرامـــــه دوم حصتنه
غلطان اليعادي لمـــــــعدن الطيبين
تاذي لليضد مــــــــعروفه شارتنه
لان عدنه كلب كــــل وفه واطياب
وتنشر بس عـــــطر فواح ريحتنه
وداوين الشرف تشهد تظل كل حين
وماترجع ابــــــــــــد للدله كهوتنه
اليبكصد يجينه يشوف بس الطيب
وياهـــــو اليضاهي طيب عشرتنه
نموت عالكرامه وترخص الارواح
لاجل نــــهج العقيده الدوم غايتنه
وننادي للابد ياعراق انت الخير
ولابــــــــد ماتزول ابيوم شدتنه