|
قصيدة / يالمنتظر مولانه
قصيدة / يالمنتظر مولانه ................................. ........................ يموعود الامل يموعود بْميلادك احبابك اِجت فرحانه تنشد الك يالمنتظر مولانه يمولود الفرج يمولود .............. عيد وْفرح بخمصطعش شعبان – بدره اكتمل نور الامل شع بان مولد حفلنه يالولي قد حان – والكون كلّه يحتفل ويّانه .............. راعي الفرج ياخاتم الانوار – انت الامل ياوارث الاطهار يوم التجي كلّ الظلم ينهار – كل ظالم وْطاغي تِهِد بنيانه .............. يبن النبي يارحمة المعبود – انت الامام الهاشمي الموعود يبن الوصي وْبيك الامان يْعود – يوم التهل نورك يِعم دنيانه .............. والطلعتك ندعي العلي القيّوم – يالدولتك ما بيها كل مظلوم حكمك عدل ويْفرّح المهضوم – نهج النبي وْنهج الوصي عنوانه .............. يالمهدي عهد وْللازل مكتوب – الرب العرش هذا العهد منسوب الدنيه تِطِيعك يالولي المهيوب – ضنوت علي انت الامل رجوانه .............. يبن الحسن ويّاك كلنه اوياك – نهتف الك ياحجة الله افداك يالمنتظر بدمانه بايعناك – اهل الفتن واهل البدع حزنانه ........................................ ........................................ خادم اهل البيت ( ع ) الشاعر الحسيني سعيد الفتلاوي الطويرجاوي |
| الشبكة: أحد مواقع المجموعة الشيعية للإعلام الساعة الآن: 03:04 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025