((جبرائيل ينعي الوصي))
***********
اليوم رخَّص بي جبرائيله
ينعي فكَد الوصي من هل الليله
بصوت يدوي بالسمه
فاض محرابه دمه
************
أنهدم صرح الدين وأركان الشرع
أنطبر راس المرتضى التقي الورع
جان صدره وسيفه بيمينه درع
الموزمه كَباله تفر ما ينجرع
أذَّن وأعلان صلاتك يافجر // وبصلآته اليوم دمَّه ينهدر
أنجرح راس الغانمه
فاض محرابه دمه
************
أهتزَّت الايات والموقف رهيب
بشهر رمضان الغدر راسه يصيب
والجرح مسموم مايشفه ويطيب
زاد دمع العين والنوح والنحيب
جبل يتوجَّه عله جناحاته// والكتاب تنوح كل آياته
داره صارت مظلمه
فاض محرابه دمه
************
من اعلن الباطل قراره ومن صدر
علي بجف أهل المطامع أنغدر
قُدره جان أمطوّع أيام القدر
ضربة يمينه مثل سيل أنحدر
طاح من العدل جف ميزانه // ودين رب اللسمه أيلم بركانه
هاي أمَّه ظالمه
فاض محرابه دمه
************
رجع بعصابه أو وجه أصفر نحيل
عين زينب شافته ومدمع يسيل
جرح عدهه جبير ناره بالدليل
جم جرح يحمل كَلبهه ألهم ثجيل
خيمه لاعامود بيهه ولا وتود // والصبر لوعوده وياهه أستعد
عله النواب عازمه
فاض محرابه دمه
************
وداع آخر ليله ويطول الهجر
آه منَّك يازمان من الغدر
حيدر بمحرابه ساجد ينطبر
من رسول الله كَّلي شتعتذر
عله سطورك بالدمه أتحط النقط // ويَّه أبو الحسنين ماكو حل وسط
ماطواك بصارمه
فاض محرابه دمه
************