منتديات أنا شيعـي العالمية - عليك شبيدي يبن أمي

((عليك شبيدي))

****** ************

عليك أشبيدي يبن امي ** وشنوا البيدك على هظمي

عفتك دامي بالحومـه

وعفتني خوي مالومه

***************

بحزاني عشت ايام كــل عمري **رافگني الدمع والنوح من زغــــــــري

لاظل والي لاستر اليظل خدري **بمصايب جار دهري والحمل صبري

كل ساعه الزمن خوّان

ماخلّه ألي خـــــــــوّان

حالي هذا وعلومه

***********

يبن صاحب الضربه العادلت ثقلين **جسم گلبي السهم من صابك النصين

بقيّة أهلـــي بعدك من صُفه يحسين **اعوفك عالثره دامي يماي العيـــــن

دم ظلّت دموعي تسيــل

ليل احزاني صار طويل

عشت أيامي مهظومه

********

العمه بعيوني ياريته ولاشفتــــــك **ذبيح اعله الثره ومسلّبه جثتــــــــــك

ويزيه أبخيزرانه يلعب بشفتـــــك **عليّه الدنيه ضاگت خوي من عفتـــك

صحت وينك يحامي الجار

احضرني ولو خطّــــــــار

حال الظيم مهمومه

**************

مصيبة كربله من عمّت عليّــــــه **لبس گلبــي الســواد ودمعي ليليـــــه

بعد عـــزّي صرت يحسين مسبيّه**جور الدهر رافگ جور بني أميّـــــه

من يوم النبــي وحيدر

وضلع الزهره لتبسمر

وݘبد الحسن وسمومه

************

ياموقف اذكره الشافته عيونــــي ** بالغربــه وحيــده الخــوّه عافونـــــي

وشماتك يوالي بفرحه لاگونــــي **بعد دار الوصايه خرابــه گعدونـــي

بصرخه ولوعة الايتام

بالدمعه الحزينه تنام

وجفني ماعرف نومه

**********************