منتديات أنا شيعـي العالمية

أدور عالكَبر

****************

ادوّر عالگبر يحسين ** دليني الگبر ݘاوين

لاݘف يمسح الدمعه

عليّه ضاگت الوسعه

دليني الگبر جاوين

*********

اجيتك ياولي وعنـــــدي ** لهف وشوگ بيها اعتاب

بالبر همت يبن امـــــــي **بالي أنشده گلبــــــي ذاب

تدري بالجره اعله اختك **طبّت ديرة الاجنــــــــاب

عليّه أظلمت دنيـــــــــاي **لاشمس وكمرها غـــاب

رد ياخوي حاجيني

أواسيك وتواسينــي

ترا لفراگ ماذينـــي

ملݘومة گلب ماطاب

*********

لوّن بحسرتي وبݘـــــي**البقه من عمري وندب آه

الگلب وي دگّتـه يحݘي **يگول حسين ماننســــــاه

يريت السهم بيّه صـــار **الصوّب گلبـــــــك أوأذاه

مثلث طاعن أفّــــــــادي **وضميري جرحّه ودماه

الزمن من باعدك عنّي

واست دمعتي ونّــــــي

يغالي رحت منّــــــــي

جروحي تصيح واويلآه

***********

أرجعت والروس ويّايه ** امر بليلي أحاݘيهــــــا

أسأل راس ابو فاضـــل **جثته وين ألاكيهــــــــا

اعذره مارجع لختـــــــه **والدمعات اجريهـــــــا

ݘفوفه حنن اعله الجـــود**سكينه استحه أيرد ليها

وشوفن ضرية الظلاّم

بعامود الغدر عالهـــام

عيني ماتريد تنــــــــام

تصب دم عله حاميها

*************

وصّف راسين گدّامي ** الجاسم وعلي الاكبر

وقبّل موضع الطبرات **بمهجتي دمعه تتصبّر

عرّيس وتحنّــــــه أبدم **طفوّا شمعته التزهــر

ليليه ورمله مايـــــدرن **بيّه وياهم آني اسهــر

كلما ردت افارگهم

وعن عيني اباعدهم

أرد بالنوح اگابلهم

ويزداد الالم أكثر

**************

فرد لمّه على گبرك ** لطمنه عالصدر والهـام

منهن تندبك وتصيح ** ولونه وليّه هل الظلاّم

مثبــورات مهمومات**بصبر تتحمـــــل الآلآم

لاحيـرة فكر لابـــال **صبرنه ابكثر ماننظــام

بذل اليسر عذبونـــه

لارض الشام اخذونه

بخرابه تالي گعدونه

عيون أمساهر متنام

***********

نريد اموادعك يحسين ** نرد لارض الوطن للدوم

بالحســره نرد واحزان**نعيش وياها من هل اليوم

بعد مالــــي الك رجعه **بعد كربلــــــــــه يامظلوم

يريت الموت يلفانــــي **الݘبد بعدك يظــــل مالوم

تريد الروح أطاوعها

تظل يمّك يفاجعهـــــا

ماأگدر أمانعهـــــــــا

صفالي من الدهر لهموم

*************