منتديات أنا شيعـي العالمية - حيدر// حيدر // ياحيدر

(( طبرة المحراب ))

***************

حيدر //حيدر//آ ياحيدر

*************

اليوم ابو الحسنين عالراس أنطبر ** للشمس والگمر بݘّه هل الخبر

هاي ساعه مظلمه وساعــة خطر **الباطل بسيفه يحسّب انتصـــــر

والدموع تسيل عالخد من جمر

گلب ثاني نريد شيحمله الصبر

******************

المنيّه ݘودرة يم بابـــــه **تعنّت عليه تاخذه من احبابه

شيبته تتخضب بمحرابه **عيونها ظلّت دمه سݘّابـــــه

ريت بعده العين ماشافت فجر

گلب ثاني نريد شيحمله الصبر

******************

الدنيّه سيف أبأيد بن ملجـم صفت **اليوم بالمحراب للدين أذبحت

والعدل ݘفين ميزانــــــــه هُوَت **عله الدنيه وسفه مثلك ماحوت

شمتت اهل البدع بينــه والغدر

گلب ثاني نريد شيحمله الصبر

****************

بينه كل شامت فرح بمصيبتك **شيوخهم أفتَوا حـــــرام أمحبتّك

حللّوا ياعلـــي الموت الشيعتك **تروح فدوه أرواحنه الدم هامتك

كلنّه گلب وروح لمحبتك نصّر

گلب ثاني نريد شيحمله الصبر

*******************

من عرف هل اليوم بيه منيّته **والدلائل شــــــــــــاهد ومامنعته

گصد للمسجد يصلّـي بشيعته **وگع من سيف الغدر صك هامتـه

الفوز ناده اليوم وعدي البي أقر

گلب ثاني نريد شيحمله الصبــر

**********************