نمشي مشي
 

للحسين للحسين نمشي مشي طول العمر
للحسين للحسين نمشي مشي طول العمر
نرخص الاعــــمار ياروح الزجيه
واحنه عشاكك نظل حد المــــــنيه
نفتخر لجلك اسمنه رافــــــــضيه
ومن دمانه احنه نوقع عالـــــهويه
يامهيوب يامهيوب ساكن دليلي والنظر
للحسين للحسين نمشي مـــــــشي طول العمر
نعتني ممــــــشه ولانهاب اليضدنه
ثابت وللموت مانخــــــــلف وعدنه
يم ضريحك ســــــيدي ناكد وعدنه
العمر لجلك نرخصه ياســــــــندنه
الاركاب الاركاب ترخص الك طول الدهر
للحسين للحسين نمشي مـــــــشي طول العمر
نمشي لجلك يلي دربك مانعــــوفه
خلي يفجرونه المحب لازم يشــوفه
يل ضريحك جنه للعاشك يــــطوفه
واليحبك ابد ماتمــــــــــــنع ظروفه
عاالارماح عاالارماح نتعنه ممشه يافخر
للحسين للحسين نمشي مـــــــشي طول العمر
نمشي ونواسي المشت بالطف سبيه
بينه لوعه من مصــــاب الغاضريه
والهظم زينب تنوح الجــــــــعفريه
مانعوف الممـــــشه لو صار المنيه
تعنيت تعنيت وللحره يامحـــــــــــــله السهر
للحسين للحسين نمشي مـــــــشي طول العمر
هسه نمـــــشي والمواكب كلها خدمه
شحال زينب من مشت مســـبيه ندمه
والجدم لجلك نزف يالــــــــــحره دمه
شلون حالج واليتـــــــامه تصيح عمه
علي وياج علي وياج يالمحني منج هالظهر
للحسين للحسين نمشي مـــــــشي طول العمر
اربعين حســــــــين والممشه شعاري
توصلن بالمشــــــــي ياليلي ونهاري
عفت لجلك كل هلي واهجرت داري
ناري تســعر سيدي بكل وكت ناري
عله الصوت عله الصوت بصحنك نكحل هالنظر
للحسين للحســـــــــين نمشي مـــــــشي طول العمر

خادم الحسين ..عدنان منعم