منتديات أنا شيعـي العالمية

قصيدة / وارث طه
..............................
..............................
.
.
.
لحبيبي هذي كلماتي - وعزيزٍ افديه حياتي
.
وارث طه وارث حيدر- وشفيعٍ يحضر بوفاتي
.
.
..................................
.
.
خادم الك طول العمر يبن الزچيه الغانمه
افديلك الروح وْهلي وْلجلك مجالس دايمه
ماننسه يومك يالولي وْتبقه المواكب قائمه
بالمدمع نْواسي النبي وانواسي امّك فاطمه
.
لحسينٍ اطلقْ صَرَخاتي - بدموعٍ غطّت وجَناتي
سبط الهادي نجل الكوثر - وعليه كلّ الحسراتِ
.
...................
.
دايم حزنّه وْسرمدي وْباقي عزانه وْيالزمن
ماهمنه كل طاغي وْبغي راوونه الوان المحن
ظنهم عزانه ينتهي اهل الضغينه والفتن
جارو علينه بالظلم شرهم جزه راح اندفن
.
بدعاءٍ حُزنا البَرَكاتِ – ومَضينا رغم الكَبَواتِ
تبقى صرحاً يسمو حُبّاً – وشَهيداً عالِ الدرجاتِ
.
...................
.
ياهو اليعاديك انفنه وْكلمن تِجاسر وِاعتده
گبرك يبن حامي الحمه فايز تراه اليگصده
من اجله ضحّينه وْيظل كعبتنه ربنه مْخلِّده
تْحدّه الاعادي والمحن فاز اليزوره وِاهتده
.
لِجنانِ الباري العطِراتِ – وخلودٍ فيها وثباتِ
يومَ البعثِ يوم َ المحشر – واليه تغدو نَظَراتي
.
...................
.
لوعة حزن ما تنوصف يوم الفجيعه بْكربله
ارض وْسِمه تنزف دمه ضيم الجره من يحمله
دم الشهاده اعله الارض صارت تضمّه تْقبله
هالتربه صارت معجزه بيها الشفه الْكل معظله
.
لترابِ الطاهرْ قُبُلاتي – وعليه تسقط دَمَعاتي
في الطفِّ حرٌّ لا يقهر – ودِماءٍ صارت عَتَباتِ
.
...................
.
وبكربله يصير العزه بعشرة محرم نحضره
نقره الروايه الكامله وْننعه الْشبيبة حيدره
وحال اليتامه والحرم ظلت غريبه مْحيّره
مسبيّه للشام نْوِلت اطْفال وْنساء ميسّره
.
لِلَعينٍ امسى بسباتٍ – بجوار الرجسِ النَجِساتِ
كانَ الباغي يسعى يثأر – لقتيلٍ حاز اللَعِناتِ
.
...................
.

ثارك شِعار وْ يرْفَعَه ابنك ينادي بْثورِته
ساعة امامي قادمه يعلن اقامة دولته
دولة مكارم عادله حره وْ أَبيّه بْهيبته
ندعو الاله وْنرتجي يْعجّل علينه بْطلعته
.
لكريمٍ نرجو الدعواتِ – وزعيمٍ يحمي الحُرُماتِ
مهدينا للعالم يظهر – وينيرُ كلَّ الظُلُماتِ

.
.
.
.................................
.................................

خادم اهل البيت ( ع )
الشاعر الحسيني
سعيد الفتلاوي الطويرجاوي