الى مولاتي فاطمه
 

يم البنـــــين وصيتي ------ باجــــــر اذا مريتي
بالطف لكيتي الايتام ------ محتاره وبلايه خيام
زينب وصيتي
------------------------------------------------------------------------
زينب غــــــيرة الكرار ---- زينب للشرف سمعه
زينـــب من زغر سنهه ---- اذا تفرح تــهل دمعه
شسولفــــــلج بعد عنهه ---- اذا سولف شرط انعه
عاشرهه الحزن تابوت ---- أي والخــــالق السبعه
يم البنين اضــــــلوعي -------- تشـــفه وانشف دموعي
لو صرتي انتي وعباس ----- الخدر العقيله حراس
زينب وصيتي
-----------------------------------------------------------------------
بــــاجر من يمر باجر ---- زينـــب مايضل الهه
اخـــو لاام ولا والــــد ---- يجي ويعدل محاملهه
ولو تدرين درب الشام ---- منــهو اللي يوصـلهه
جاصحتي بعلات الصوت ---- يعباس انته كافلهه
ولهسبــــــب وصيتج --------- ولحيـــــدره اختاريتج
زينب وحيده ابلياي ---- لو جارت اعليهه اعداي
زينب وصيتي
-------------------------------------------------------------------------



عله متون الهزل زينب ---- اذا شفتيــــهه يلحره
وشفتي اعصابة الغيــره ---- مالت والدمع جمره
صيحي بصوت يازينب ---- الج من امج الزهره
وصيــــه ولازم اقراهه ---- اذا جان الاجـل امره
شميتــــي نحر الوالي ---- قبلتـــي صدره الغالي
وصيتج آنه الهل يوم ------ لو جارت اعليه الكوم
زينب وصيتي
------------------------------------------------------------------------------
يــــــا ام البنــين انخاج ----- ونخوتي عندج ادريهه
توفيـــــــني اذا روحج ---- ردتــــــهه وما تبخليهه
لجن من،،ج اريد اليوم ---- زينــــب من تشوفيـــهه
بعزاهه ما يطب واحد ---- غيــــرج مـــا يواسيــهه
بس انتـــي اريدج يمهه ------ وتذكَريهـــه ابأمهه
لو نحبت اعله الجفين ---- واسيهه بمصاب حسين
زينب وصيتي
---------------------------------------------------------------------
الي آخر وصـــــيه وياج ---- زينب من تطب الدار
اريـــد ابجــــفج المدمـــع ---- تمسحيــنه وبلايه آثار
زينـــب من كثــــر ونهه --- اعله ضلعي وطبرة الكرار
ما ضل عدهه خد يحمل --- دمع يجري اعله هذاالصار
منج اريدن زينب ----- من تبجي ما تتعذب
وبصوتج انتي تنادين ---- يايمه لا لا تبجين ------ زينب وصيتي
خادم اهل البيت خالد العلمي

خالد العلمي