يمه استشهدت
.........
يمه استشهدت خـاطر احني الباب
وارفـع راسـي ابـني الـماكطع بيه
يمه استشهد عـفيه ابني الماخاب
ألما خيـب ربـاي وتـعـب مـاضـيه
يمه استشهـدت فـرحولك أحـباب
زفيـتـك هـلاهـل وأطـش وأهـلـيه
يمه استشهدت واحسبـلك حساب
تنال انت الشهاده وافــرح شويه
يمه استشهدت وادفنت الأعـتاب
هـسه أرضيـت عــنـك هـاي هيه
يمه استشهـدت بيك الجرح طاب
عـليك الفاتحة اقـرأهـا انه ليليه
يمه استشهدت نـورك فـلا غـاب
رفعت الرأس بيك وجنت محنيه
يمه استشهـدت تـشهـدلك ذيـاب
ترسـت الكـاع بيهم جثث مرميه
يمه استشهدت وأدريـك متهـاب
ولـد هـنـد الـسخـيـفه وال امـيه
يمه استشهدت آمن يجيب وجاب
وادعـي انه بصـلاة اللـيل يوميه
يمه استشهـدت أحضنت التراب
شـفت الغيرة عـطر يفـوح بيديه
يمه استشهدت هل حمره الثياب
مـن ثيـابـك أشـد العـلك تـرجـيه
يمه استشهدت كـطعـت الإركاب
إركاب أعـداء حيدر هالوهـابيه
يمه استشهدت حاربت الإرهاب
صح إرهاب ذول أنجاس بعثيه
يمه استشهدت راويني الصواب
صـوابك جبل وانه اكـعـد أبفـيه
يمه استشهدت وبروحتك شاب
من القاسم وفيت بهاي الوصيه
يمه استشهدت اه يالنسيم إلهاب
يـا بحـر الـكـرامة ونبع صـافـيه
يمه استشهدت بيك الجرح ذاب
ويا ليل الخـرابه الـشافـته رقيه
يمه استشهـدت والـدمع سجاب
بخ كـلب الرضيع وجـيـبـله أميه
يمه استشهدت انت ابن الاطياب
ألما تقـبل أخـت عـباس مسبـيه
يمه استشهدت معروفه الأسباب
حـتى خـيام زينـب تبـقى محـميه
..........
الشاعر
اياد الفرح التميمي