قصيدة الى العراق الجريح. بقلم الشاعرحيدرموسى الرميثي
 

حضنك يلم دين وعلم - مهد الرسلات
ياموطن المثلك شمل - كل الحظارات
مجروح يالغالي طحت – نصرخ سلامات
-------------1-------------------
عن ترابك خطأ لو سمينة تربه
هاذي ذرات الذهب والگاع خصبه
ليش عدنه اشچم ابو والحاله صعبه
يدفع العوز الفقر متنه يصوبه

ومتونه تعبهه الجرح - يدفع بالهموم
والعوز يذبح والفقر - ضل گلبه ملچوم
حتى الشمس وي الكمر – برموشك تبات
--------------2----------------------
ليش ماعدهم علي ضلوا يتاماك
ياوطن گعد علي يحرسهم وياك
اشچم رقية تصيح بوية وطفل ناداك
واليتيم ابلا علي يعراق بچاك

حشم علي الهم يرد – تنحب يتاماك
يابالحسن اني وهلي - گله احنة بحماك
دجله وفراتك دمعتك – والهور كلمات
---------------------------3---------------
فجروا حتى المدارس والجوامع
ياوطن كافي الذبح كافي المواجع
ايتام نبقى الياوكت نجري المدامع
واحنة ماعفناك عنك بس ندافع

مايبقى بيك ارهاب ابد -ياموطن الخير
ترجع حياتك ياوطن - ونشوف تعمير
رموش السعف صفك الك – كله ابتسامات
-------------------4-------------------
سولف ويانه الوطن مجمل كلامة
گال گرب موعده نور الامامة
باچر المهدي يجيكم بالسلامة
وبأيده الطيبة يجيبلكم كرامة

والمهدي قانونه العدل - قانون الاسلام
مايبقى جور ولاظلم - يرحم بالايتام
الشاعر حيدرالرميثي ------------ نتمنى يا يوم الفرج – نحسبله لحظات