منتديات أنا شيعـي العالمية

تضحيه وإيثــار ** موقـف الأنصار
بيوم عاشـورك ** يا أبـــو الأحرار
***********
هـــــاي أنصارك يبو اليمه الأصيله
منوجــــــــــــد منها بمواقفها النبيله
كل شخص منهم أبـــد ميصح مثيله
هامــــــــت بحبك يبن حامي دخيله
الشيب والشبان ** كلها فد عنوان
وحاطهم نــورك ** يا أبـــو الأحرار
***********
كل شخص منهم نـــزل أرض المعاره
بمرجله وزود وإباء يــــــــــرد شعاره
ولاكه خصمه بكل فـــــداء وكل جداره
ونــــــــــال أعظم مرتبه بهاي التجاره
عقد هــل صفقه ** بكل وفــه ودقه
من وكـــف دونك ** يا أبـــو الأحرار
********
احتار ليضــــدّك يبو اليمه بعزمهم
يوم شــــاف لهل ولاء وكل هممهم
أبو فاضل صار إلهم كـــــل سندهم
وحبهم لشخصك يبو الأكبر مددهم
بأجمل التصريــح ** يا حسين تصيح
بصوتها سرورك ** يا أبـــو الأحرار
***********
لو زرتهم ينعش الروحـــــي عطرهم
وأنظر بعيني وأشـوف الكل صورهم
لهل مسه باقـــــــي على الدنيه أثرهم
ومدرسه للناس كلها بكـــــــل عِبَرْهُم
بيها أتــــأمّـــــل ** ومنها أخــذ حل
مـن اجي لسورك ** يا أبـــو الأحرار
******
خذت مــــــــن ايثارهم وأمسَوْ قدوتي
وبدربهم صــــــرت أخطّيها الخطوتي
نذرت عمري الأجلك ونــــاذر مهجتي
ومنهم أتْعَلّمِــــــــتْ تضحيتي وخدمتي
شعر مــن أنظم ** منهــــم استلهم
وأشـم بعطورك ** يا أبـــو الأحرار
***********
بجاه كل واحــــــد إلك ضحّه بوريده
يعجّل الباري بفــــــرج أبن الصميده
حتى ياخذ ثاركـــــــــــم والحك يعيده
وتحت ظلّه نعيش دنـيـتـنــــــه سعيده
أي وحك زينب ** نـبـقـه نـتــرقب
ساعة ظهورك ** يا أبـــو الأحرار

الشاعر
خادم الحسين (ع)
قاسم حتروش البلداوي
خادمكم
أسألكم الدعاء