|
طبع شيعي
السلام عليكم
احبتي الكرام هذه مشاركتي الاولى معكم اتمنى ان تنال اعجابكم وشكرا الى الاخ نجف الخير لدعوته الي وهذه هديتي للمنتدى ولكل العاملين عليه طـبع شيعـي ****** خلي ايصير كلشي ايصير بينه وخله يتحزم عـدونه ويعرض افنونه وخليها اشتريد اتـﮕول خلها اتـﮕول عـنه وبالرافض خل يسمونه طـبع شيعي طـبعـنه وما يعـروفونه عهـد بالدم كتبنه وياك ونعـرف زين شنهو العهـد مضمونه بصمنه ابعشر اصابع ما نعوفك يوم ونطينه ارواح حبك يا علي دونه حيره احتارت الظلام بكل شيعي اليلزمونه تجرب كل فنون اجرام وتظن عـنك يبعـدونه يظل ايصيح حيدر سيدي ومولاي ولنفاسه الاخيرة بثقه ايسمعـونه وحتى من يريد ايموت وﮔـبل لا تغمض اجفونه تشوف اسمك طـبع مطـبوع بعيونه وعـﮕـب ماينذبح بالدم يخط على الـﮔـاع اسمك علي ايشوفونه وتصيب عقولهم حيره ساعات اليـﮕلبونه لان يختلف عـن دمهم دم شيعتك يا ابو حسين يلـﮕونه لان طبع الدمه معروف كريات الحمر والبيض بس هاذي يعرفونه لـﭽـن دم شيعتك ينضاف اسمك وي مكنونه وبينه ادوار مرت يذكر التاريخ وكل دور اليذكرونه حقد واجرام فوﮒ اجرام للشيعة يكنونه نسولف يامآسي وياهظم شفناه من عداك بينه واليجربونه وصحنك شاهد على الحال ﭽـم مره يقصفونه لان الشيعة تـﮕصد ليه وبلهفه يطوفونه يجي الحجاج ﭽـم حجاج ﭽـم ايزيد ﭽـم هدام وﭽـم طاغي اليتبعونه يريدون الصحن ما توصله الزوار و ﭽـم حاجز يخلونه نهدم كل حواجزهم ولون ما نوصل لصحنك بالدلال صحنك عدنه يلـﮕونه لـﭽـن هذا طبعنه المايعرفونه نحب الموت دونك ياعلي ونهواه ونحب دمنه ابترابك من يدوفونه وبعد تالي الهظم والظيم بعينك يا علي اتشوفه وهابيه ونواصب اجت من كل صوب وحلف سووت وي البعث وﭽـلوفه مفارز نصبت ابدربك وصحنك منعت انطوفه لمت كل حقدها ورادت انعوفك وذبحت على الاسم ﭽـي شيعي بحروفه ومن شافت اجينه اعناد ﮔـامت بالقنابل تمنع الزوار وظنت بالقنابل حبك انعوفه ما يدرون عدنه ارواح ترﮔـض رﮔـض فوﮒ الموت يمك تحط ملهوفه صبرنه وتحدينه وكلشي ايهون لان ندري العدل وياك وانت وياه ومثل لف الضفيرة اشلون ملفوفه طبع بينه نحبك عـن يقين وياك وندري السـﭽـه بالاخطار محفوفه عشـﮔـنه وياك عشـﮒ اخبال واخبال العشـﮒ مو مذوم معروفه تعلمنه العشـﮓ من ميثم التمار وهوه امـربطه اﭽـفوفه مصلوب على حلـﮒ الموت وبعده ايصيح حبك علي ما اعوفه نعوفه اشلون حبك واحنه بالاصلاب ومن ذاك الوكت بينه صار تطبيعه صلبونه والف مرة نردد اسمك انذيعه وامر الله نزل ويـﮕول شخصك واجب انطيعه لـﭽـن هذا الامر ندريه واجب صبح تشريعه وكل شيعي كتب بالدم بيعه وهاك اخذ يابو حسين توقيعه هويناك بجنون الشوﮒ والمجنون مايعرف يرخص ولفه ويبيعه وآنه بهذي عـندي ايمان امر الله لباقي الناس نزل ما خصص الشيعه لان يدرينه كلش زين من ﮔـبل الغدير وياك كل يوم بألف بيعه *********** تحياتي لكم ضايج من الغربة |
اللهم صل على محمد وآل محمد
وعجل فرجهم الشريف خلي ايصير كلشي ايصير بينه وخله يتحزم عـدونه ويعرض افنونه وخليها اشتريد اتـﮕول خلها اتـﮕول عـنه وبالرافض خل يسمونه طـبع شيعي طـبعـنه وما يعـروفونه راائع سلمت يمناكم الحيدريه تحياتي |
وحتى من يريد ايموت وﮔـبل لا تغمض اجفونه
تشوف اسمك طـبع مطـبوع بعيونه وعـﮕـب ماينذبح بالدم يخط على الـﮔـاع اسمك علي ايشوفونه وتصيب عقولهم حيره ساعات اليـﮕلبونه لان يختلف عـن دمهم دم شيعتك يا ابو حسين يلـﮕونه لان طبع الدمه معروف كريات الحمر والبيض بس هاذي يعرفونه لـﭽـن دم شيعتك ينضاف اسمك وي مكنونه */********/*********/***** الله الله الله اخي الكريم في البدايه اقول لكم اهلا وسهلا بكم وبانظمامكم الينا ومعنا ونورتو المنتدى اخي والف شكر للاخ نجف الخير على دعوتكم وثانيا اخي والله كلمات القصيده اكثر من اين يقال في حقها رااائعه فهي كالائالئ تتناثر في ارجاء المنتدى وكعقد ينير بكل حروفه جميل اخي وسلمكم الباري من كل مكروه وموفقين لكل خير |
وعـﮕـب ماينذبح بالدم
يخط على الـﮔـاع اسمك علي ايشوفونه وتصيب عقولهم حيره ساعات اليـﮕلبونه لان يختلف عـن دمهم دم شيعتك يا ابو حسين يلـﮕونه الله الله الله اكبر اخوي لاتروح عنا |
قصيدة رائعة و جميلة جداً ...
طيب الله انفاسكم اخوي الكريم ... و جعله في ميزان اعمالكم ان شاءالله ... خادمة الزهراء{ع}... |
الله الله
شو هل الكلام الروعة سلمت يداك اخي الفاضل وحياك الله بينا سعداء بأنظمامك للقصيدة الرائعه يا مبدع ربيبة الزهراء |
شكرا جزيلا لك سيدتي زهراء على المرور
تحياتي لك |
اقتباس:
تحياتي لك |
اقتباس:
تحياتي لك مولاتي |
قصيدة رائعة و جميلة جداً طيب الله انفاسكم اخوي الكريم
و جعله في ميزان اعمالكم ان شاءالله |
| الشبكة: أحد مواقع المجموعة الشيعية للإعلام الساعة الآن: 07:54 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2024