|
جنتي نسمة وجنتي ضحكة ياخائنة
يا خائنة
جنتي نسمة وجنتي ضحكة وجنتي وردة ياسمين وجنتي نغمة بشفة القيثارة تضحك للسنين وجنتي ثوب إنشر على حبال الدروب ولثكّـّتة العابرين ليش؟؟؟؟ مو جنتي حمامة رحتي وين إترفرفين خلصت سطوح المحلة وبالمغارة اتعششين يا مها الغابة إشكبرهه إشوصلج يم العرين عينج إبكد القيامة شبيج ماشفتي الكمين؟؟؟ جنتي ويــ؟ــ؟ــ؟ـن وهسة وين جنتي مسجد بيج اصلي صرتي حانة مفلسين باكوا ألأكبر بذانج بعد بيش إتكبرين جنتي قلعة وطاح بابج ليش ما تتهدمين إنكسر عثكَج ينخلة وانه أتاني إترطبين بفيج إشكعدني أني لايتهموني ابكسرتج حتى فيج مو أمين ولا تجين..لاتجين جنت اكل للناس عذرى شراح أكلهم من تجين لنتي مريم حتى بالقرآن أكولن تنقرين ولا بعيسى تبشرين جابعد إلمن تجين لا.لا.لا تجين مع تحياتي الامير 2009 |
قصيدة رائعة وتشبيهات أروع ولكن أخوي انا عندي اعتراض ببعض التشبيهات ولو تغيرها تطلع القصيدة ولا اروع يعني مثلا جنتي مسجد بيج اصلي صرتي حانة مفلسين يعني تشبه وحدة وتقول عنها خائنة وبمسجد مو حلوة ... يعني وان كانت هذه الكائمة وعفتها فلا تشبه ببيت الله لنتي مريم حتى بالقرآن أكولن تنقرين ولا بعيسى تبشرين جابعد إلمن تجين لا.لا.لا تجين أخوي عذرا بس أنا مافهمت هذول الابيات ع العموم منطلق الابيات رائع ..وان وجد بها بعض الخلل فالبنقد البناء والتصحيح تتألق اعتذر عن الازعاج تحيااااتي نور... |
أخوي أميرنا كلامات رائعة وأنا كمان أوافق أختي نور لأن نفس الإنتقادات اللي قالتها أنا علقت عليها .. |
شكر لك على الكلمات الجميلة والمؤثرة
|
| الشبكة: أحد مواقع المجموعة الشيعية للإعلام الساعة الآن: 05:15 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025