|
اذا كنت متزوجه اهلا وسهلا
السلام عليكم من بعد اذن اخي طيار عراقي اقتبست عنوان موضوعي منه ارجو المعذره.... في خاطري عدة اسئله ارغب بسؤالها لكل اخواتي من اعضاء المنتدى المتزوجات واتمنى ان يلقى موضوعي الاستجابه من اخواتي مع فائق التقدير... لماذا الاطفال يحبون اهل الام اكثر من اهل الاب؟ لماذا دائما العمات يأخذن دور الحاقد:mad: في نظر زوجة الاخ ومنها الى اولادها الذي اريد السؤال عنه هولما كل هذه الفجوه بين اهل الزوج والزوجه؟انا عمه ولدي اولاد اخ 4 الذي احسه عندما نتواجد انا وخالته لابن اخي اجده يميل الى خالته ويلازمها طول الوقت على الرغم من حبي ومعاملتي الجيده لهم هل سبب هذا هو الام اي بمعنى الام لها الدور بزرع الحب او هو شعور فطري؟بصراحه هذا الشيء يزعجني كثيرا لاني اريد ان التمس استجابه لحبي واهتمامي:(. اتمنى من اخواتي الرد على تساؤلي ولكم مني فائق الشكر والتقدير:o |
اختي ايمان طرحج جميل ولكي مطلق الصلاحيه بان تقتبسي مني اي شي مو انتي بنت عمي ههههههه يسعدني ان اكون اول الي يشاركون في الموضوع لاكن اتمنه اسمع الرد من اخواتي الي في المنتدى مع تحياتي ابن عمج السيد |
شكرا الك ابن عمي على مرورك وقرائتك لموضوعي مبين البنات بالمنتدى كلهم ميحبون اهل زوجهم ههههههههههه لان ولاوحده جاوبتني بس انت
|
اقتباس:
وعليكم السلام والرحمة ... شوفي أختي الطفل يتعلق بالاشخاص اللي يكون قريب منهم يعني تواجده بصورة أكبر سواء كان مع عماته أو خالاته ... ويكون أقرب للي يتعاملو معه بمحبة ومسايسة و و يعني احتمال يكون الطفل مع خالاته اغلب الوقت بس مايرتاح بالمقابل يوم بالاسبوع يلتقي بعماته تلاقيه مبسوط ومو عارف شنو يسوي وطبعا نفسية الطفل تعتمد على تواجد الام بين اهل زوجها يعني اذا الام علمتهم محبة الأهل وتواجدت هي معاهم .. وبعض الاحيان الام علاقتها مو كلش مع اهل الزوج وبالمقابل ابنائها علاقتهم قوية مع عماتهم وعمامهم يعني وبالمختصر السالفة تعتمد على معاملتج لأبناء أخوج وكيف تتفهميهم و و و تحيااااتي نور... |
مشكوره حبيبتي على مرورج وتعليقج على مشاركتي يمكن السبب الطفل متعلق بامه
اكثر ويحب اي شي امه تحبه بمعنى يميل لجهة اللي امه تميل وترغب الهه وبالتجربه شكد شفت زوجات وشكد اهل زوجهم زينين وياهم و ويه ابناءهم بس يبقه الكفه الارجح من ناحية الام والطفل هي وحده متتغير وشكرا مره ثانيه |
اختي مشكورة على الطرح الجميل
انا دائما اسال هذا السؤال في نفسي ولا اعتقد ان هذا يحصل بعائلة او اثنين بل باغلب العائلات لا اعتقد ان السبب هو الام انا عندي اطفال وارى كيف يتصرفون من جهة خالاتهم ومن جهة عماتهم مع اني لا اقول لهم شيء ابدا لكن بسبب تواجدي المستمر مع اخواتي اكثر من عمات اطفالي من الطبيعي ان يتعلقوا بهم اكثر واعتقد ان هذا تصرف فطري فحتى انا كنت احب وما زلت احب خالاتي اكثر من عماتي والسبب لا اعرف |
السلام عليكم اختي الحيدريه ممنونه لمرورج اللي عطر موضوعي اني هم جنت اميل لجهة امي اكثر من جهة ابويه رغم انه ولاجهه تتخير عالثانيه الثنين زينين بس مجنت اعرف ليش احب خالاتي اكثر من عماتي ومحسيت بهالشي الامن بعد مصرت عمه حسيت بهالشي واثر بي صراحه لان احب اولاد اخويه عبالك اولادي ولو بعدني مصرت ام هههههه واشكرج مره ثانيه لمرورج والله يخليلج اولادج وانشاءالله يكومون يحبون عماتهم اكثر ههههههههه |
مشكوورة اختي ايمان على الطرح الرااائع جوابي مثل جواب الاخت نور المستوحشين التواجد والمعاملة لها دور في تقريب وحب الطفل لعماتة او خالاتة فعن نفسي كنت واني طفلة احب خالاتي لانني قريبة جدا منهم واعمارهم متقاربة لعمري ولحسن معاملتهم لي ولااحب عماتي لانهم يتجاهلون وجودي بينهم لصغر سني بينهم ,, ولما كبرت صرت قريبة من عماتي اكثر واحببتهم اكثر من خالاتي لااعتقد للام دخل في هذا الشيئ ,, فدائما احث اولادي واامرهم بزيارة عماتهم ولكن من دون جدوى ولما اخبرهم باني ساذهب لبيت جدهم لابيهم يتدمرون ولا يريدون بعكس لو قلت اليهم ساذهب الى بيت ابي يفرحون ويهللون ويحسبون الوقت بالدقايق ,, ويا ويلي ان تاخرت علىالذهاب معهم بعد ان اعدهم واذا انتهت الزيارة لايريدون ان يرجعوا للبيت ,, اسحبهم غصب مثل ما حصل لي اليوم :) تقبلي مروري وتحياااااتي |
يمكن متصدقين شلون العب وياهم واحبهم كلش هوايه وهم ساكنين ويانه بالبيت مرات احس اني طفله هلكد العب وياهم واحبهم بس اني متاكده تاثير الام اقوى لان الطفل متعلق بامه ويحب اي احد امه تحبه
شكرا على مرورج حبيبتي |
ربي يحبب اولاد اخوج بيج انشاء الله امو اتخذي اسلوب المصروف امو |
| الشبكة: أحد مواقع المجموعة الشيعية للإعلام الساعة الآن: 09:02 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025