|
ماكو غابة ولا غرابة
العملاق نائل المظفر وقصيدته "الغابة"
ماكو غابه ولا غرابه والاصناف الي شفتهه حيرتني شما اگلب بيهه تطلع لو ارانب لو ذيابه وماكو بالغابه سبع لا شفت واحد سبع باوعتله وبتسملي رد اضحك بس بچيت لن طلع مكسور نابه ماكو غابه ولا غرابه دنيتك اصلاً طلابه اليفك بابه يطير ليش واحد للهوه يعرض شبابه واليسد بابه الف واحد يرصده عنده حسبه وساد بابه وكله اوراق وكتابه لكن نت تريد تحفظ بابك ومحد يرصده المسأله كلش بسيطه لاتفتحه ولاتسده ولاتشلعه ولاترده شكد خطيه العنده باب يصير نقمه الباب عنده لكن الاكثر خطيه ويستحق نبچي عليه الباع بابه وخله برده و موغريبه كلشي بالدنيه تصادف رغم فقري ورغم زغري وكلشي شايف وكلهه سهله ناس ترخص ناس تغله ناص تنصه نس تعله شفت جيش بدوله ضاع وشفت واحد صار دوله وشفت واحد هو ضاع وشفت واحد ضيع اهله وشفت واحد ربه واحد وشفت واحد ربه ميه وشفت واحد ربه درهم وشفت واحد ربه لحيه وشفت واحد سوه كرسي وشفت كرسي سوه واحد وشفت چف زايد اصبع وشفت چف كلهه زايد وشفت ميه ابيت كعدوا وشفت بيت ابحده گاعد وشفت بيت عيب اكتبه وشفت بيت ابست قصايد كلشي شايف كلشي عايف مااخاف لحد يراويني سيفه ولا يجرده ولا ينظفه ولا يصقله ولا يبرده لان صدگ من يهده احسب شچم راس گاطع ما علي چم مره حده خلي كل من يحچي قصده لاتراوغ بالكلام وياي صير حچايه وحده انه اعرفهه الي يحبني ماكو روج تحبه سده لاتگلي استريح امبينه كلمت استريح من تجي ومعناهه طرده واياك تنغر عله واحد يابجل لو مهمه تعله لان بس يصعد عليك يخلي راسك جوه رجله وانه گتلك كل شي شايف كل شي عايف مااخاف انه ابن ذيچ المظايف انه ابن هاي الصرايف عمي يا ابن القصور شبيك ويه اهل الصرايف يا هضيمه ويا حسايف انچفت كل الدلال وطاحت ضلوع المظايف عمي كافي لخاطر الله طفي عودك لا تشعله احترگت القريه بكبرهه وانت بالنار اتسله بس اكلك كلهه سهله ذلة النمرود نمله لو بعوضه ما علينه المهم شبعتنه ذله المهم شبعتنه ذله ولكم تحياتي |
كل الشكر والتقدير على هالنقلات الحلوه والمعبره
|
كلمات رائعه كل الشكر لك حفظك الرحمن |
|
اقتباس:
اخوكي العاشق |
اقتباس:
العاشق |
اقتباس:
العاشق |
كلمات رائعه كل الشكر لك حفظك الباري |
هذي الكلمات اذتني واتمنى لو تحملو شويه مني لان بعد ما اكدر اتحمل اكثر شرد اگلك عالوضع شنهي الجديد .. انته يا بيت التطبله وما كو بيه صورة شهيد ؟! شرد اگلك ..عن رياضي العاف اهله .. ابخير .. وبصحه .. وسعاده .. ورايح ايمثل بلاده .. ومن رجع ما شاف واحد .. شاف بس كومة حديد وبيته طايح فوگـ اهله وما مصدگـ .. مدري وهواس ابخياله وناس غربه .. وعدهه غيره .. وطلعوا جثة جهاله وياهو ليروح ويگله ؟؟ ايگله بس انطيني مهله .. وشرد اگلك عالوطن ما بيه امان .. انه سامعهه بوكت ما كان .. كان چانت امي بزغري انه .. اتسولف القصه وانام اتعودت كلما انام يمه .. وعفيه يمه القصه اريد ورايد اسمعهه ابحنان .. يمه كلهه ومن جديد وشرد اگلك واحد امتاني العزيز يمته يرجع ؟ يمته يوصل ؟ ومن وصله الخبر ميت !! راد يصفگـ ايد بيد ... وما گَدر ما عنده ايد ! ما ملك بس ايد وحده .. وبس دمع جاري اعله خده .. وشارد امن الدنيه شرده .. جاي تسألني شتريد ..؟ جاي تسألني شگلك .. شنهو اريد وما اريد انه اريداً كلشي اريد ..وكلشي منك ما اريد ! انه اريد لكل فقير اتصير بسمه .. وترسم فوگـ الشفايف وانه اريد لكل يتيم ايردله حلمه وما ينام وهو خايف .. وانه اريد لكل مواطن عنده كلمه وتنحچي ابوكت السوالف ... ما يخاف .. انفكر احنه اشوكت نسمن ؟ .. واحنه كاتلنه الجفاف واحنه وصلتنه المجاعه وناس ملتهيه ابنواط الشجاعه انه اريد .. النوط نفسه .. وكون ينطونه لفقير بس اريد انبدل اسمه ... وبشرط نوط القناعه ..!! وشرد اگلك عالمصايف .. ناس مصيفهه البحار .. وناس مصيفهه بالجوادر وناس نامت عالخضار .. وناس ماتت عالمنابر ناس تفتر ابمنزه .. او حديقه وناس تفتر بالمقابر امريه حجيه خطيه .. والوكت حيه دفنهه ..!! وجايه ادور اعلبنهه .. وشرد اگلك .. عن ابنهه اشلون مات ..؟ گاعده وتدعيله يرجع بالصلاة وهيه سمعت صوت باب اندگـ عليهه .. وركضت ابلهفه تفتحه .. وسلموهه أبيديهه اوراق الوفاة انته ما تدري ابوضعنه .. جاي تسألني شتريد ..؟ انته يا بيت التطبله ... عود ماكو بي صورة شهيد ..؟! واليرحم الله اخونا الشهيد سيد ع |
| الشبكة: أحد مواقع المجموعة الشيعية للإعلام الساعة الآن: 07:05 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025