|
ما اريدك ترد بس اريدك تقره
الومضة ثق لو بالعراق يصير طوفان .... ونبي الله نوح يرد علينه يباوع بالبشر ما يلگه إنسان .. ويصعد وحده وتمشي السفينة القصيدة من سجن لسجن جبت العمر يعراق ... وعليك بكل وكت مسلطة كفارك الـسواد عيون شعبك ما اجاك إنسان .... اجت كلها لسواد عيون أبارك ما باسوك إخوتك وأنت خد إلگاع ..ودمعتين عله طولك يجرن أنهارك بسك يا وطن لا تشعللهم نار ...غموك العرب و دفوا بنارك ذلتنه الدول ردينه مكسورين ...بس أنت الغريب مدلل أبدارك مثل حاتم جنت تذبح فرس للضيف .....بس شعره فرس ما يسوه خطارك يجدّي الماي زرعك وأنت ذو النهرين ... خلصت العمر تسگي بزرع جارك زرع جارك عِله ما مد عليك فياي ...بس مد أرضته وعبرها لأسوارك مو أمريكا ثارك لا ولا صدام ...كون من العرب ناخذلك بثارك لا تزعل علي من حقي لو مليت ...منو بگدي احتمل وبضلعه بسمارك منو الجرحه عله طوله وأنت دربك سيف ...وإمتاعك ملح ويكمله مشوارك بردن غطته و ظل خايف إبراهيم ..وأنا بطرگ الجلد واتحملت نارك گادوني بحبل وعيوني معصوبات ..ما طلعوا حرف من خزنة أسرارك بعد شكثر بعد مو انه الأول ذاك ..داراني الوكت وأنت الوكت دارك من چف اليسلم خدي ظل يخاف ... من گد ما بجه من چفوف سطارك وانه بيا وكت يسطرني هذا وذاك .. گبل ويه الهوه من يطگني أتعارك و عذرتك يا وطن لن انه طيب ذات ..لو غيري وعلي ما يقبل أعذارك لو اشرف شعب بالدنيا عايش ببك ... چا جملة بمزاد انباعتك ديارك بس أحنة وعلي چم مره طگنه الجوع ..و بعنه اهدومنه وما بعنه زنجارك و غيرك يا وطن لو ألنه حق نختار ..نعوف الدنيا كلها ونرد نختارك دينارك سقط وانسحگ بالرجلين ..بس يسحگ دول من يمشي دينارك المن تشتعل شو كلهم ابن زياد ... بس أنت الحسين وشعبك أنصارك نلطم ع الصدر كلما سمعنه أخبار ...خلصت العمر دم تنزف أخبارك أمس كصن شعرهن بابل وأشور .. وشگن زيجهن من باگوا أثارك سبوا سومر بعد شمتاني يابو الهول ..وبرج فيزا اغتصب بالليل عشتارك صاير ما تشور يابو ريح عزير ..باگوگ اليهود وباگوا حمارك وباگوا عاج عاد و ورقة الميلاد ..ونسينه أنت بعمر يا ادم صيارك أمس ببك حلمت چنك نبي وتبعوك ..وعلى فراشك لگيته ينوح كرارك وثقت بصاحبك بس صاحبك چذاب ..بس عنك زلف دلاهم أثارك ونسحگ بيت العناكب وأرملاته أتصيح ..وبقت روس الحمام مطشرة بغارك لازم تفتخر بس أنت الختاروك ... مقبرة الأئمة وربك اختارك يا أترف وطن وأخصب ارض للموت..ألي يريد يظل عدل يتغطه بحجارك ولكن يا وطن اعذرني لو ضجيت ..أنا گلبي عليك وناري من نارك تظل أليا وكت طف أنت للأجيال ...وتظل أليا وكت تذّبح أنصارك وتظل أليا وكت يومية تنطي حسين ..ومثل زخ المطر تساقط أقمارك وتظل أليا وكت اهلك سبايا تروح ...ورماحك رگب ومدخنه ديارك وتظل أليا وكت ساكت يبو الحسنين .. مو شگ الغمد مولاي فقارك |
شكرا لك على هذة الابيات الجميلة والمعبر
دمت ودام عطائك تقبل مروري تحياتي |
حبيبي نورتنا بمرورك اخي الصغير
|
الصدري قول وطول ------ ايدي على خدي اباوع التحجيه وجويت القلب من نشرة اخبارك عسى عمرك طويل وهذا ظل تذكار وتشد حزام وانته تعمّر بدارك لا تشره على الخانوا نبيهم دوم ولا تطلب نصرته الهدم اسوارك انا البدري عضيدك بيدي شد الايد وانته الجان صدري الوطن خطارك اكرم منزله من يجبل الخطار عراقي مركبه دلالك على وجارك ولا تزمط بغيري وانا الك فقار من زاخو لنهر كارون انصارك من خارج وطنه التمت السراق يا معشي الضعيف ودافي بنارك انته اكبر عجيد يقودك الكرار وهاي لصوص شافت بس ذهب دارك الشمس طلعت عليهم كلهم النهبوك تلقواعارهم وانته ازهرت دارك واقبل تحياتي ومن السياق تتضح وليدة اللحظه وبدون ان اكتب على ورقه فمعذرة اذا وجدت اخطاء |
حبيبي البدري تاج راسي والله اسعدتنا بمرورك العطر وياريت ان ماتدخل لمنتدى الاخبار والسياسة لان مع الاسف ترى الاختلافات بين الصدريين والبدريين
|
اقتباس:
عفوا اخي انا مع احترامي الى من تقصد فانا ليس منهم وانما انا من عشيرة البدور المعروفه بمحافظة الناصرية للعلم فقط |
حبيبي البدري شكرا للتوضيح
|
اللهم صل على محمد وآله وعجل فرجهم نسأل الله الصلاح والعافيه للجميع وان لا يشّمت اعدائنا ويجمعنا حب محمد وآله والعاقل خصيم نفسه مثل مايقول المثل وعلى الاتباع والمريدين ان لا يسئوا لجهود علمائنا الافكار تختلف والمصب واحد ان شاء الله نهر محبة الله ورسوله وآل محمد دمتم بالتوفيق اخي صدري |
ابيات رااائعة جدا جدا ومؤثرة رغم كوني لست عراقية بل جبت بين كلماتها واخذتني الى عالم الترحال بين بقاع العراق موفق لكل خير وبانتظار المزيد الرجاء تسجيل مصدر الابيات اهي لكم أم منقولة تحيااااتي نور... |
شكرا اختي نور المستوحشين للمرور الرائع هي لنا ونرجو ان تتئكدوا من الشاعر نائل مظفر للعلم فقط
|
| الشبكة: أحد مواقع المجموعة الشيعية للإعلام الساعة الآن: 09:18 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2024