الدنيه شكد قاسيه وحنت عليك
 

((الدنيه شكد قاسيه وحنت عليك))

أجت تركض تبوس الطاح
رجعت فاشله جي مالكة خده

بس جان الوجه موجود
لجن كل الشضايه عليه متجمده

عفاهه شلون وكحه وماترادت حيل
أجت ليه بصلابه شلون أجت جلده

مدت أيدهه وكالتله كوم بساع
لجن مالكت جفه ولالكة زنده

رادت منه جلمه ويذكر الجتال
جر الطشت صوبه ولن قذف جبده

ولن ثلث الشنادخ بالظهر بينات
سبب سهم المثلث عبر وتعده

غضبت صاحت وجن زعلت علصار
مدت أيدهه من رادت تكعده

لن شافت جرح بالراس شافت طبرت الملعون
فطرة هامته والسم وصل حده

هنا حست بالزعل وصل أطراف الكون
وكل شي البيه تدمر كلشي تبده

مدت جفهه رادت تغرف من الماي
لن الماي ناشف والهبن جرده

ولكت بطن الفرات مجزره وعطشان
ولن دجله التحنب عليه وتسنده

طاحت من بعد كل الجره والصار
وكامت تسأل المجتول وتنشده

تكله الصار شنه الصار
ليش تجمعو ضدك فرد شده

موش أنت الجنت أيدك صحن للضيف
موش أنت الزرعت بكل كتر ورده

جزعت رادت تنكلب . بس مارضه المغوار
صاح بصوت لساته الوعد بعده

كام ونفض جروحه عراق يصيح
أنه ومنتضر وعده

لتصدكون أموت وأترك الميدان
أنه الي ضربت الموت سوط أوكف عد حده

أبد ماموت لمن يخرج القائم
وأصيرن بيت أنه وأحتضن جنده

أبد ماموت لمن يخرج المختار
وأصيرن بيت أنه وأحتضن جنده



في سحر ليلة الجمعه
21/8/2009



أخوكم
أبو ظاهر البركي

الله يبارك بيك اخيتي الكريمه

نعم اختي هذا هو العراق وهذه جراحه

ومع الاسف الكل يتعاون عليه حتى يموت


شكرا ايتها الغاليه على مرورك الكريم

الله لايحرمني من تواجدك حيث اكون في منتدانا


أخوك
أبو ظاهر البركي

حبيبي وأخي وأبن عمي أبا كرار الجابري
أنتم المبدعون بشعركم
نعم حبيبي حيدر صدقني لم أكن شاعرا حتى أرضى عن شعري

وأما هذه القصيده
ماخلتني انام والله تأتيني كل حين وتقول اكتب حتى لاتنسى
وفعلا نسيت كثير من ألأبيات كنت أرددها وأنا على فراشي
...
فكان مخاضها من الساعه الثانيه بعد منتصف الليل حتى السحر وبعد صلاة الفجر ولدت
وأتمنى أن تنال أعجابكم
وأنال رضى أئمتي عليهم السلام

وأن لايزعل علي وطني الحبيب العراق فهذه هي جراحه من الكوفه والمدينه وكربلاء التضحيه بل منذ السقيفه
كلها لاتزال تنزف لتصب في نهر الفرات ليكون فيه بدل الماء دما

خادمكم
أبو ظاهر البركي

اللهم صل على محمد وال محمد
أحسن الله اليكم أيها البدري
أبا تركي لشرف لي أن يدون قلمك أعجابا بتجربتي
وتدعو لي بالتوفيق أيها الاستاذ الشاعر


شكرا لك كل الشكر

أخوك
أبو ظاهر البركي

السلام على العراق مهد الانبياء وموئل الاولياء
اخي العزيز اهنئك على هذا الخيال الذي اسرج خيل الشعر وطاف في سوح القوافي فاتين له طائعات
مبارك لك هذا العطاء
دمت معطاءا

ماشاء الله اخي الفاضل على تواجدك النير

فألأبداع منكم والروعة فيكم

شكرا اخي وأستاذي وجدي الجاف
شكرا لمرورك على أهاتي التي طرزت كلمات شعري
لتصوغ لوطني صورة أتمنى أن يرضى بها
وكأني اقول له أصبر فأن الفرج أت أن شاء الله
رغم ماصار في مسجد الكوفه لسيد الوصيين
وللحسن المجتبى وسمه
وسهم المشندخ في الطف
وكفي الأخوة والفداء لمولاي سبع الكنطره

فكلها كانت جراحا في وطني
ورغم كل هذا أنه وقف متكأ على جراحه لينتظر أمام زمانه عجل الله فرجه



تحياتي أيها المبدع
أخوك
أبو ظاهر البركي