منتديات أنا شيعـي العالمية - احزان زينب ع قصيدة لطميه للشاعر الحسيني خالد الجبوري

قصيدة رائعه للشاعر الحسيني خالد الجبوري
اهديها لاخوتي في هذا المنتدى الرائع

زينب تنادي الكمر وحدي لا تخليني
ترضه ياخويه الشمر عكبك يباريني
عاين لحال اليتامى بعدك شلون
*******************
بعينها تباري ضعنهه وعينها تباري الدرب
تكول هسه يعود اخيي يرد ابن سيد العرب
وين جانتلي المصايب وينه وين الحرب
راد يسكي هالعطاشا تروي من ذاك الشرب
من اجت يم الشريعه لنه نايم عالتراب
من الزند جفه كطيعه اه ياكبر المصاب
عاين لحال اليتامى بعدك شلون
*******************
عاين بيحال سكنه ياشبل ذيج الاسود
بالكلب ساكن المهه سكته دمعتها تجود
تسمع انته الصوت نادت ظنها تسمعها وتعود
صاحت وكل اليتامى من ضرب راسك عمود
بالعمود انضرب ضربه صاح عباس السلام
مابكت ياخويه جربه طاح جفي والحسام
عباس لحال اليتامى بعدك شلون
*********
تمشى وي الظعن زينب نندب بحيدر علي
اه ياثكل المصايب بعد عينك يلولي
بالغرب تدري وحيده وين اخوتي وي هلي
والعهد عباس وينه من تدك صدرك الي
خويه جاوينه عهدنه تشوف حركوهه الخيم
ننتظر لسه بعدنه ايتام ونرابي العلم
عاين لحال اليتامى بعدك شلون
*********
يكمر سود الليالي شلون ويغيب الكمر
حسبت عباس خويه وياك اكضيه العمر
من عظم هاي المصايب راح من كلبي الصبر
نشتكي من الضيم عندك اه ياذل الاسر
استمع هاي شكوتي ترضه امشي ميسره
بالحزن تجري دمعتي عله شبلك حيدره
عاين لحال اليتامى عكبك شلون
*********
تندب ايام عزهه وتذكر ايام الكفيل
تشكي من سياط اميه والدمع منهه يسيل
وين راحو كل اخوتي من يشتمني الذليل
مدري ادور باليتامى مدري اداري هالعليل
ساعه الحركو خيمنه نندب باهل الطفوف
نعاين لعباس صحنه وين راسك والجفوف
عاين لحال اليتامى عكبك شلون
**********
من يجيني الليل همي يهيج ويزيد الحزن
خلافك بايام عمري ماشفت غير المحن
منهو ياحيد الفواطم عكبك يباري الظعن
تروح مكسوره السبايا بعيد عنك لو مشن
بالكلب ياخويه تدري ليش طولت السفر
مصرعك ياخويه عذري سكنه ماتقبل عذر
عاين لحال اليتامى عكبك شلون
وافلح من صلى على محمدوال محمد
يهدى ثواب هذه القصيده الى روح الامام المظلوم الامام الحسن ع