منتديات أنا شيعـي العالمية - طفله ميتمه انه رقيه

السلام عليكم
اقدم لمحبي الامام الحسين ع هذه الابيات من قصيدة للشاعر الحسيني المبدع الاستاذ مهدي اسد الطويرجاوي - ابو صلاح- وانا قد قراتها في مجلس عزاء رقيه ونلت جميع حوائجي بفضل الله تعالى وبفضل السيدة رقيه وابيها وان شاء الله اقرؤها وستنالون جميع حوائجكم باذن الله وبفضل الصلاة على محمد وال محمد

طفله ميتمه واسمي رقيه
رمتني بالنوايب ال اميه
***************
يبويه مادريت الجره عليه شفافي اتيبست رادت اميه
شافوا حاي ماكالوا خطيه كل كلوبهم هيه اشقساهه
يبويه انه رقيه خلوني باذيه
رمتني بالنوايب ال اميه
**************
كل اكلوبهم سوده ورذيله ولابيهم رحم واحد العيله
كادونه مشي بمحنه طويله لرض الشام تاليهه منواهه
يبويه انه رقيه خلوني باذيه
رمتني بالنوايب ال اميه
**************
برض الشام خلونه بخرابه والراس الشريف بطشت جابه
جددنه عزه حسين ومصابه ذكرنه كربله اشدار برحاهه
يبويه انه رقيه خلوني باذيه
رمتني بالنوايب ال اميه
**************
يبويه بكربله دهري رماني خلاني يتيمه وما حماني
غربه وقهر والضيم اعتلاني مالت دنيتي وياي ه شجاهه
يبويه انه رقيه خلوني باذيه
رمتني بالنوايب ال اميه
*************
يبويه بكربله قلبي تمرمر انه طفله يتيمه وتهت بالبر
وكع عباس وافجعني الاكبر والدنيه بعد شلي بهواهه
يبويه انه رقيه خلوني باذيه
رمتني بالنوايب ال اميه
*************
يريت اللي كفلني بيده جفه جان اشبعت من عطفه ولطفه
لاجن على الارض نايم يوسفه لاقربه ولا رايه ولواهه
يبويه انه رقيه خلوني باذيه
رمتني بالنوايب ال اميه
************
يعمي اكعد وشوف اللي جرالي من سبي لسبي صارت احوالي
عكب عيناك سهرانه الليالي عباس الكمر هوه ضواهه
يبويه انه رقيه خلوني باذيه
رمتني بالنوايب ال اميه
********************
يهدى ثواب هذه الابيات الى روح السيده رقيه بنت الامام الحسين عليها السلام